JOSHUA 24:27 - Kathara Bible (BSI)

²⁷ Kala Joshuana mi saikorali hānga, “Yanglu, ngalunggui hi ithumwui shākhina; kala Prohona ithumli matui kahai tui saikora hina shākahaina; chiwui vang eina hina nathumwui shākhi ngasāra, maningakha nathumna nathumwui Vareli minamda sapaishina.”

JOSHUA 24:27 Iomraidhean Croise

JOBWUI LAIRIK 31:23

Kaja I Varewui eina unshimui rāki kajili ngacheeya, kala awui ngam chili mai mangasungrarmara.

JOBWUI LAIRIK 31:28

hila moreina da bichar kasābingna tandi mipai, kaja atungshongwui Vareli ina makhamayā ngasāhaora.

CHĀNSAM 30:9

chi maningakha I thohaida nali malaihaipaishina, kala “Proho khipākhala?” da hāngpaishina, maningkha I chāmhaida lihaipai, kala iwui Varewui ming makhao ngasakpai.

ISAIAH 1:2

Nganālu, O kazingram; nashunglu, O okathui; kaja Prohona hānghaira; “Ina nganaokhuida naomayarabing rarhaira, kha athumna ili ngakaishiya.

ISAIAH 59:13

Proholi mamayāmada khalāng ot kasā, kala ithumwui Vareli kashurwui eina ngateithui kahai, rekakharek, khangararwui tui khamatui, phaningphāphai kala wuklungwui eina kakapik tui matuipama.

HABAKKUK 2:11

Kaja lungguina shimrāpwui eina vaoshokra, kala khāngena shimtungwui eina ngahānkāra.

MISHĀN 11:20

kha nganamkashina mamalongairanglakha eina tangda kachāng peida shaira, kaja nathumli khangayur Proholi nathumna mamayāmada “Kachiwui vang eina ithum Egyptwui eina shoksākhala?” da chapa.’”

MATTHEW 10:33

kha ili mibingwui mangāli kahata chili inala kazingramli khalei iwui Avāwui mangāli ali hatra.

LUKE 19:40

Ana ngahānkai, “Ina nathumli kahāngna, athum chingri eina pamhailala lungguibingna vaoshokra.”

KHALATLUI 30:19

Aja zimiksho nathumwui mangāli kharing eina kathi, sokhami eina khonkashi mihaira kaji chi kazing eina ngaleina shākhina, chieina kharing kapangkhuilu, chithakha nala nawui ara̱-azāla okpeira,

KHALATLUI 31:19

Ara chiwui vang eina laa hi kapihailu, kala Israelnaobingli tamchitheilu; athumli sāngasaklu, chithāda sāda laa hina Israel mibingli makhamayāwui shākhina da theikhuiranu.

KHALATLUI 31:21

Kala athumli makaphā kala kachotkachāng kachungkha kharā tharan, laa hina sachitheida phaningung khavai ngasāra (Kaja laa hi athumwui thot kachida mamalailakmara); kaja ina mira da ngashit kahai ngalei chili ina athumli makhuiungranglakha eina tangda athumna sāki kaji chi ina theiping kahaina.”

KHALATLUI 31:26

“Ainwui lairik hi khuilaga Proho nathumwui Varewui tuingashit okowui ngalemli hailu, kaja hi nathumwui shākhi sakhavaina.

KHALATLUI 32:1

“Iwui tui nganālu, O kazingram, ina hāngra; kala okathuina iwui tui shāranu.

KHALATLUI 4:26

nathumwui shākhi sākhavai aja ina kazing ngaleiwui mingzaida nathumli kahāngna, kaja nathumna Jordan kānda apamki kaji ngalei chili nathum masāngla shimān ngakanhaora; nathum chili sāngda maokthuimara kha shimānchaohaora.

TITUS 1:16

Athumna Vareli thei da hānga, kha athumwui otsakva chili mamayāmana. Athum hiya kaphā ot sākhavai matik makachā, yangkharingkapai kala kahāng makhanganābingna.

JOSHUA 22:34

Reubennaobing eina Gadnaobingna hanphut chili shākhi hoi; “Kaja,” athumna hānga, “Ithumwui ngachaili Proho hi Varelaka kaji chi hina shākhi akhana.”

JOSHUA 24:28

Chieina Joshuana mibingli kachichā ramli shiunhaowa.

PHONGKHAMI 3:8

Ina nawui otsak theisera kala yanglu, ina nawui mangāli khipānakha mashungkharar khāmong akha shomihaira; khikhalajila nawui pangshap teolaka, thālala iwui tui mayonhaira kala iming mahorhailakmana.

1 SAMUEL 7:12

Chiwui thili Samuelna ngalung akha khuida Mizpah eina Jeshanahwui ngachaili shuna, kala chiwui aming Ebenezer phokmi; kaja “Hi eina tangda Prohona ithumli ngachonmi” kajina.