JOSHUA 24:21 - Kathara Bible (BSI)

²¹ Cheina mibingna Joshuali hānga, “Maningmana; kha ithum Proholi otram ngatha̱ra.”

JOSHUA 24:21 Iomraidhean Croise

SHONGZĀ 19:8

Kala mibing saikorana khokkha sāda ngahānkāda hānga, “Prohona hāngkahai tui saikora ithumna sāra.” Kala Mosesna mibingwui tui chi Proholi hānga.

SHONGZĀ 20:19

kala Mosesli hānga, “Nana ithumli hānglu, ithum nganāra; kha Varena ithumli mamatuiaranu, ithum thihaipaishina.”

SHONGZĀ 24:3

Mosesna rāda Prohowui tui saikora kala shiyan saikora mibingli hānga; kala mibing saikorana khokkha sāda akhon akha eina, “Prohona hāngkahai saikora chi ithumna sāra” da hānga.

SHONGZĀ 24:7

Chiwui thili ana tuingashitwui lairik chi khuida mi katongana shākhavai pai, kala athumna, “Prohona hāngkahai saikora chi ithum sāra, kala kahāng nganāra” da hānga.

ISAIAH 44:5

“Hipa hina hāngra, ‘I Proho wuina,’ khangatei akhana khalatta Jacobwui aming eina hora, khangatei akhana apāngli, ‘Prohowui na’ da kapisangra, kala akhalatta Israelshi shimkhur da aming phokra.”

KHALATLUI 26:17

Nathumna aja Proho chi nathumwui Varena kala awui athi shurra, awui ain, ningkhami kala shiyan-chikan, mayonra kala awui kahāng nganāra da Prohowui mangāli hāngphathaira;

JOSHUA 24:20

Kalikhada nathumna Proholi horhaida khangatei varebingli khorumthuihaiakha, ana nathumwui vang kaphā samihaisālala, ana nathumwui eina ngareithuihaida kazātkashi khuirāda shimān ngasakluira.”

JOSHUA 24:22

Chiwui thili Joshuana athumli hānga, “Nathumna Proholi kapangkhuida otram ngatha̱ra kaji hi nathum khalattana shākhina.” Chieina athumna “Ithumna shākhina” da ngahānkai.