JOSHUA 24:20 - Kathara Bible (BSI)

²⁰ Kalikhada nathumna Proholi horhaida khangatei varebingli khorumthuihaiakha, ana nathumwui vang kaphā samihaisālala, ana nathumwui eina ngareithuihaida kazātkashi khuirāda shimān ngasakluira.”

JOSHUA 24:20 Iomraidhean Croise

1 THOTRINCHĀN 28:8

“Chiwui vang eina Israel saikorawui mikyanli kala Prohowui mangāli, kala Varivarawui miktāli, Prohowui ningkhami saikora phākhuida mayontitlu; chieina khamathā ngalei hi nathumwui ngasāra, kala nanaongarāli nathumwui thili haimida katang mavaila athumwui shimlui haimilu.

1 THOTRINCHĀN 28:9

“Inaomayara Solomon, navāwui Vare chili theilu, kala ningtongda kala sangairereo ningtongda otram ngatha̱lu, kaja Prohona wuklung saikora theisera, kala kaphaning khangarān kachiva̱ theishapa. Nana ali phaakha, nana ali samphangra; kha nana malaihaiakha katang mavaila katāvali horhaora.

2 THOTRINCHĀN 15:2

ana Asali angaroklaga hānga, “Ili nganālu, Asa, kala Judah eina Benjaminshila: Nathumna Proholi ngasolakha eina tangda anala nathumli ngasomira. Nathumna ali phaakha ali samphangra; kha nathumna ali malaihaiakha anala nathumli malaihaora.

EZRA 8:22

Kaja yangkashebingwui eina ithumli ngakuimi khavai awungali shipai, kala sigui katonga raimi milu da kapo vaishihaowa. Kaja “Ali kapha mili Varena kaphā sāmi kala ali makhangavapa mili awui malung kakangwui pangshap chi lei” da awungali hanghaira̱sai.

LAA 89:31

kalikhada athumna iwui shiyan-chikan sakhaida iwui ningkhami mamayonakha,

ISAIAH 1:28

Kha ngakaikashebing eina morei kaphungbing ngarumda shimān ngasakra, kala Proholi horkahaibing shimān ngasakra.

ISAIAH 63:10

Kha athumna ngakaishida, awui kathara Manglāli khanang ngasaka; chiwui vang a athumwui yangkashe sāthuihaowa, kala akhalatta athumli ngarara.

JEREMIAH 17:13

O Proho, Israelwui kachihāna, nali horkahaibing maishi ngasakra; nawui eina ngareithui kahaibing chi okathuiwui mishānli yisanghaira; kaja kharing tara̱wui ura̱, Proho chili athumna horhaowa.

EZEKIEL 18:24

“Kha khamashung khangarong mina awui khamashung khangarongwui eina thuihaida, makhayā mina kasā thāda ningkakachai ot saakha, chikathā mi ringpairala? Ana khangarong ot sākahahai akhala maphaningungmara; awui yonsak eina kasāwui khangui kala morei kasā chiwui vang a thiphalungra.

OTSAK 7:42

Kha Varena athumwui eina mai ngareithuihaowa kala kazingli khalei sirābingli khorum khavai horsangmihaowa, hi marānbingwui lairikli hithada kapihai: ‘He Israelnaobing! Lamhāngli zingkum hangmati zatlakha, nathumna sāyur ili pha̱kaphayā chigatla?

KHALATLUI 4:25

“Nathumna ngalei chili pamda, naola kala ara̱-azāla kachungkha pharākhuida sāngda pānkahai tharan, azak khangatatei meoma̱ sākhuilaga sanguihaiakha, kala Proho nawui Varewui mangāli makaphā otmāng sāda Vareli malungvāt ngasakakha,

KHALATLUI 4:26

nathumwui shākhi sākhavai aja ina kazing ngaleiwui mingzaida nathumli kahāngna, kaja nathumna Jordan kānda apamki kaji ngalei chili nathum masāngla shimān ngakanhaora; nathum chili sāngda maokthuimara kha shimānchaohaora.

HEBREWNAO 10:38

Iwui khangaronga china shitkasang eina ringra, kha ana ngalanakha, awuitungli iwui kapen maleimana.”

JOSHUA 24:21

Cheina mibingna Joshuali hānga, “Maningmana; kha ithum Proholi otram ngatha̱ra.”

1 SAMUEL 12:15

kha maningla, awui kahāng manganamada Prohowui ningkhami mamayonakha nathumwuitungli, kala awungawuitungli, Prohona mamayāmara.

1 SAMUEL 12:25

Kha kalikhada nathumna makhayā ot sāchingakha, nathumla, nathumwui awungala shimānra.”