JOSHUA 24:19 - Kathara Bible (BSI)

¹⁹ Kha Joshuana mibingli hānga, “Nathum Proholi otram mangatha̱rarmara, kaja ava kathara Varena; ava mikpaishikatha Varena; ana nathumwui khayon lah morei mapheomimara.

JOSHUA 24:19 Iomraidhean Croise

2 THOTRINCHĀN 36:16

kha awui tuili ningkachaida Prohowui makhamayā lungvat kharā eina tangda athumna Varewui paomebing kala marānbingwui tui chili chipatta mana̱shipama.

LAA 99:3

Nawui reikhamatai, khangachee mingli athumna sochikatranu! Kathara chi ana!

LAA 99:5

Ithumwui Proho Vareli solu; awui pheizingli khorumlu! Kathara chi ana!

LAA 99:9

Ithumwui Vare Proholi sochikatlu, kala awui kathara phungreili khorumlu, kaja ithumwui Proho Vare katharana.

SHONGZĀ 20:5

athumli khayāmashipaimara lah makhorumpaimara; khikhalajila Proho nathumwui Vare iya mikpaikashe Varena, ili ningkakachaiali avāva̱ ngarāwui naongarāli naothot kakathuma kala khamate eina tangda tandi khame,

SHONGZĀ 23:21

Ali nganāda awui tui khuisanglu; ali mangakaishialu; kaja ana nathumwui khayon mapheomimara kaja iwui ming ali lei.

SHONGZĀ 34:14

“Kaja nathumna vare khangateili makhorumpaimana, kaja mikpaishikatha Proho Vare awui ming Zikhamarena,

SHONGZĀ 34:7

phaningmida mi thingthingwui vang makhangachei leishikhame, morei, makaphā makhayā, khayonkhamāng pheokhamena; kha khayonkhamāngli avāva̱ ngarāwui moreiwui vāng naongarāwui naongarā, kakathuma kala khamate thot eina tangda tandi mi” da rāphongshoka.

ISAIAH 2:9

Chithāda mili maishi ngasaka, kala ngazan ngasaka athumli mapheomialu!

ISAIAH 27:11

Thingphāng thengkahai eina tektāserhaowa; sha̱naobingna rāda chieina mei sai. Kaja hi mashun-makhui makathei miyurna, chiwui vang eina athumli kasāpānala athumli malumashanmara, athumli semkakhuiana athumli ngahankhangaila maleimara.

ISAIAH 30:11

apong chi horhaida ngateithulu, Israelwui Katharawui tui manganāluiasa.” kajibingna.

ISAIAH 30:15

Kaja Israelwui Katharapa, Proho VAREna hithāda hānga, “Latungda khangasāma nathumli huimira; va̱ri kahai kala shitkasang chi nathumwui yāng ngasāra”.

ISAIAH 5:16

Kha saikorawui Proholi mashunlungli sochikata, kala Kathara Varena khangarong lungli tharchithei.

PĀNGMONSHI 10:3

Chieina Mosesna Aaronli hānga, “Prohona hithāda kahāngna ‘Ili rākhanganaibingli ina iwui kathar chitheida mibing saikorawui mangāli ili tekmatei ngasakra.’ ” Chieina Aaron kasaikha pamhaowa.

PĀNGMONSHI 11:44

kaja I Proho nathumwui Varena; chiwui vang nathum khalatta tharchigatlu kala tharlu, kaja I katharana; ngaleili ngawokazata ot eina nathum khalatta masākhamāngalu.

PĀNGMONSHI 11:45

Kaja nathumwui Vare ngasa khavai Egypt ngalei eina khuishokkhame Proho chi ina, chiwui vang eina nathum tharmathengphalungra, kaja I katharana.”

PĀNGMONSHI 19:2

“Israel yarui ashangva̱li nathum tharphalungra; kaja Proho nathumwui Vare iya katharana da hānglu.

PĀNGMONSHI 20:26

Nathum tharphalungra; kaja Proho I katharana, kala iwui mi sākhavai yur kateibingwui eina nathumli ngatei khangasakna.

PĀNGMONSHI 20:7

Chiwui vang eina nathum khalatta tharchigatta tharlu; kaja I Proho nathumwui Varena.

NAHUM 1:2

Proho hiya mikpaishikatha kala athut kakhuiana, Proho hiya athut kakhuia kala lungvātkashena; Proho hiya ali khangasungbingli athut khui, kala awui malungkhavāt yangkashebingli leichinga.

HABAKKUK 1:13

Makaphā yangkhavaili lāngda mathingkhamei mik, khanguili mayangkatheia, khisāda shitkasang makhaleia mili yangrakhala, kala makaphā makhayāna mashungkhamei mili mayuikatā tharan khisāda kasaikha pamhao?

MATTHEW 6:24

“Khipānakha akhavā khaniwui otram mangatha̱rarmana; kaja ana akhapāli yangkharinglaga akhapāli leishira, lah akhali mashitlaklaga akhapāli ningkachaira, nathumna Vare eina lanli otram mangatha̱rumpaimana.

JOSHUA 24:18

kala Prohona Amor ngaleili kapama mi saikorali ithumwui mangāli kashamshokmi; chiwui vang eina ithum Proholi otram ngatha̱ra, kaja a ithumwui Varena.”

JOSHUA 24:23

Ana hānga, “Chithakha nathumwui alungli khalei ayarwui varebing chi horhaolu, kala nathumwui wuklung Israelwui Proho Vareli ngareiunglu.”

RUTH 1:15

Kala ana “Yanglu, namuiva awui mibingli kala awui varebingli latunghaira, nala awui thi shurungulu” da hānga.

1 SAMUEL 3:14

Chiwui vang eina Eli shimkhurwui khayonkhamāng hi pha̱kaphayā lah kachigat hina atam kachida mapheomirarlakmarada ina ngashit kahaina.”

1 SAMUEL 6:20

Chieina Beth-shemeshwui mibingna, “Kathara Proho Vareli khipāna ngasungshaprakhala? Kala ningkhami oko hi ithumwui eina khipawuili khuivāhaosikhala?” da hānga.