JOSHUA 24:16 - Kathara Bible (BSI)

¹⁶ Chieina mibingna ngahānkai, “Ithumna Proholi horhailaga khangatei varebingli otram ngatha̱ra kaji ithumwui eina katāva̱li lei;

JOSHUA 24:16 Iomraidhean Croise

LAA 119:106

Nawui khamashung shiyanbing mayon khavai, ina khangashit sāda chi mayāhaira.

ROMNAO 3:6

Maningphutmana! Vare khangaronga maningsi kaje ana kathada okathuili bichar sapairakhala?

ROMNAO 6:2

Maningphutmana! Ithum moreili thihaira, chithākha kathada chiwui lungli ringchingpairakhala?

JOSHUA 22:29

Awui tabernacle mangāli khalei ithumwui Vare Prohowui hanphut maningla rikkatā kachigat, tharāzāt kachigat, lah pha̱kaphayā hanphut khangatei sakāda Proholi ngakaishiki kaji kala Prohowui eina mai ngareithuihaoki kaji chiya ithumwui eina katāva̱li thuiranu!”

JOSHUA 24:15

Kala kalikha nathumna Proholi otram mangatha̱ngaiakha, navāngarāna kong makānda ramreili leilakha khorumkasā varebing chika, Amor ngaleili nathumna pamlakha khorumkasā varebingli khuira̱khala kaji aja kapangkhuilu; kha I kala iwui shimkhurva Proholi otram ngatha̱ra.”

JOSHUA 24:17

kaja ithumli kala ishāvā ngarāli Egypt ngaleili narkahai raopamwui eina khuikashoka chi Proho laka, ana ithumwui miktāli hakkhamahā khudambing sai, kala ithumwui kazatzat shongfa saikorali mayonmi, kala ithumna makānkhavā miyur saikorawui eina mayonmi;

1 SAMUEL 12:23

Chili lāngda, nathumwui vang pokhami thahaida Proholi morei sāra kaji hi iwui eina katāvali leiranu, ina nathumli khamashung kala kaphā shongfa chi tamchitheira.