JOSHUA 24:14 - Kathara Bible (BSI)

¹⁴ “Chiwui vang eina ara Proholi ngacheelu, ning tharda, kala ning katong eina ali otram ngatha̱lu; navāngarāna Kong makānda pamlakha kala Egyptli leilakha khokharum varebing chi horhaolu, kala Proholi otram ngatha̱lu.

JOSHUA 24:14 Iomraidhean Croise

HAOKAPHOK 17:1

Abram kum hangchikoda chiko kākashung tharān Prohona rāchitheida hānga, “I Sashap-pangshapa Varena; iwui mangāli zatlu, kala shāt makā ngasakalu.

HAOKAPHOK 35:2

Chiwui vang Jacobna awui shimkhur kala ali khangasobing saikorali hānga, “Nathumwui alungli khalei ayar mibingwui varebing horserhaolu, kala nathum khalatta tharmathengda kashankachon shinhaolu;

2 WUNGNAOBING 20:3

“O Proho, arui kaphaningungmilu, ina kathāda nawui mangāli ningtongda shitsangtitlaga zathaira, kala nawui mikyanli khamathā ot chi sāhaira kaji.” Kala Hezekiahna panglāk eina chapa.

EZRA 9:11

narao marānbingli nana, nathumna vāda akhuiki kaji lam chi apam chiwui mibingwui khamakhao china ngalei chi mathar ngasakthura; athumwui makathar ningkakachai china haokaphokwui eina akatangli chipemhaira.

JOBWUI LAIRIK 1:1

Uz ngaleili Job hoda mi akha leisai, ava shāt makālak kaja mashungrik kahai, kala Vareli ngacheeda makaphāli makazanga mi akhana.

JOBWUI LAIRIK 28:28

Kala ana mi chili hānga, “Yanglu, Proholi khangachee hi thangkhameina; kala makaphā horkahai hi theishingkakhuina.”

LAA 111:10

Thangmeiwui haophok khavai chi Proholi khangachee hina. hotkhanā saikorana kaphā theishingkakhui leira. Awui masot katang mavaimana.

LAA 119:1

Prohowui ainli kazatabing, shātmakakā athum chi sokhamina,

LAA 119:80

Ina maikashi masamphang khavai, nawui shiyanwui pongli, iningli shāt makāngasakalu.

LAA 130:4

Kha nali ngacheepai khavai, nawui huikhami lei.

LAA 81:10

I nathumwui Vare Prohona, Egypt ngaleiwui eina thānshokkhame china. Nathum khamor mashāda makālu, chieina ina chipemmira.

EZEKIEL 20:18

Kala anaomayarali ina lamhāngli leilakha, navā ngarāwui ain mashuralu, kala shiyanbing mamayonalu, lah nathum khalatta athumwui meoma̱ eina masākhamāngalu da hānga.

EZEKIEL 23:3

anina Egyptli khayorwui ot sai; ani nganuilakhawui eina thuida khayorwui ot sai; sungthei singnganao ngasaka, kala mongkhuila mayutnganao ngasaka.

HOSEA 3:5

Naoda Israelnaobingna latungra kala athumwui Vare Proholi kala athumwui awunga Davidli phāra; kala athumna ngacheeda Proho kala awui kaphā chili khanaowa zimiksholi latungra.

PĀNGMONSHI 17:7

Chieina athumna khayorva̱wui otsak kasā khamathang-khamarangbingwui vang pha̱phayā khavai mataithatluimara. Hi athumwui thot katang mavaila mayonki kaji shiyanna.

MICAH 6:8

O mikumo, kaphā chi khikhala; kaji Prohona chitheimihaira kala Prohona nawui eina khi ningkachāngkhala kaji chiya mashun eina kasā, lukhamashanli kakahao, kala ningmazingda Vareli ngasokazat maningmala?

LUKE 8:15

Ngalei katumpamli tākazangbing chiya tui chi shākhuilaga ningkathar kala kahāng khanganā wuklung eina singtitta khānglaga athei kachungkha khamatheibing chi kathāna.

OTSAK 9:31

Chitharan Judeali, Galileeli kala Samariali khalei church saikora chingri eina okathui samphanga, Proholi khangachee eina okthuida, Manglā Katharana athumli ringphā ngasakta mishānla chungsangkhangai chungsanga.

2 CORINTHNAO 1:12

Mikumowui thangkhameina maningla Varewui lukhamashanwui pangshap eina ithumna okathui hili mataimeikapta nathum eina ithumwui khangashik hi Varena khami ningkhakasā kala ningkathar eina munga kaji hi ithumwui mashun-makhuina chitheikhamiwui vang ithumna langsoi.

EPHESIANAO 6:24

Ithumwui Proho Jishu Khristali mathāhailakla leikashe athum saikorali Varewui lukhamashan china ngasomichingranu.

KHALATLUI 10:12

“Israelnaobing, ara Proho nathumwui Varena nathumwui eina khi ningchāngkhala kaji chiya; Proho nathumwui Vareli khangachee, awui shongfali kazat; ali leikashi, kala nawui ningla, manglāla tongda Proho nathumwui Vareli otram khangatha̱,

KHALATLUI 18:13

Proho nathumwui Varewui mangāli nathum shāt makā ngasaklakalu.

KHALATLUI 6:13

Nathum Proho nathumwui Vareli ngacheelu; ali otram ngatha̱lu; kala awui mingmāngli mingzailu.

PHILIPPINAO 1:10

Chithada sāda nathumna phameikap kaje chi kapangkhuishapra kala Khristawui Zimiksholi makathar kala mina kaphen saikora maleisāmara.

JOSHUA 24:2

Chieina Joshuana mi saikorali hānga, “Israelwui Proho Varena hithāda hānga; ‘Achālakha navāngarā, Abraham eina Nahorwui avāva̱ Terahna Euphrates kānda pamsai; kala athumna khangatei varebingli khorumsai.

JOSHUA 24:23

Ana hānga, “Chithakha nathumwui alungli khalei ayarwui varebing chi horhaolu, kala nathumwui wuklung Israelwui Proho Vareli ngareiunglu.”

1 SAMUEL 12:14

Nathumna Proholi khangachee eina otram ngatha̱da awui kahāng nganaakha kala Prohowui ningkhamili mangakaishiakha; kala nathumla, nathumli khamunga awungala, nathum Varewui thi shurakha, phālakra;

1 SAMUEL 12:24

Proholi ngacheemalu kala ningtongda otram ngathalu; kaja phaningyanglu, nathumwui vang hiyākha kahaka ot ana sāmihaira.

1 SAMUEL 7:3

Chieina Samuelna Israelwui shimkhur saikorali hānga, “Kalikhada nathumna Proholi nathumwui ningyang tongda hanungda leiakha, yur khangateiwui varebing kala Ashtaroth, nathumwui alungli khalei chi horhaolu, kala Proholi nathumwui ning ngareiunglu, kala amāngli otram ngatha̱akha, ana nathumli Philistinenaobingwui pāng eina ngatangkhuimira.”