JOSHUA 23:8 - Kathara Bible (BSI)

⁸ kha nathumna aja sāda khalei thāda Proho nathumwui Vareli ngavaptitlu.

JOSHUA 23:8 Iomraidhean Croise

2 WUNGNAOBING 18:6

Kaja ana Proholi ngavaptitta athi kashurwui eina mapakthuilakmana, kha Mosesli Prohona kaso kahai ningkhami chi mayontita.

OTSAK 11:23

Ana vākashung eina mibing chili kathada somikhala kaji theilaga a ringphālakhaowa kala Proholi ningtongda shitsangching khavai athumli kasatsanga.

KHALATLUI 10:20

Proho nathumwui Vareli ngacheelu; nathum ali ngavapta otram ngatha̱lu, kala awui mingli mingzailu.

KHALATLUI 11:22

“Kaja ina kaso kahai ningkhami hi ningsanglak eina mayonda Proho nathumwui Vareli leishida kala ali ngavapta awui apongli zatakha,

KHALATLUI 13:4

Nathum Proho nawui Varewui thi shurda ali ngacheelu kala awui ningkhami mayonda awui kahāng nganālu kala ali ngavapta otram ngatha̱lu.

KHALATLUI 13:5

Kha marānbing lah mang katheiya chili shaothatphalungra, kaja Egypt raopamwui eina ngatangkhuikhame kala thānshokkhame Proho nathumwui Vareli ana ngakaishida kala Proho nathumwui Varena nathumli ningkhami mikahai chili ngateida zatkhavai kasāna. Hikatha mili shaokathat hi eina nathumwui alungli khamakhao tharkhui khavaina.

KHALATLUI 4:4

kha Proho nathumwui Vareli ngashiktit kaje nathumna aja eina tangda ringdalei.

KHALATLUI 8:20

Nathumwui Prohona, nathumwui mangāli yur khangateili shimān ngasak kahai thāda nathumlila shimān ngasakra, khikhalajila nathumna Proho nathumwui Varewui khon manganāmana.”

JOSHUA 22:5

Prohowui rao Mosesna nathumli mikahai ningkhami eina ain chi mayontitlu, nathumwui Proho Vareli leishi khavai, awui apong saikorali zatkhavai, awui ningkhamibing mayon khavai, kala ali ngavaptit khavai kala ali nathumwui ning manglā tongda otram ngatha̱ khavaina.”

JOSHUA 23:7

chithākha nathumwui ngachaili yur khangateiwui mi leida khalei chili mamanātmara, lah athumwui varebingwui mingla masingmara, lah athumwui ming singda shākhi masāmara, lah otram mangatha̱mara, lah nathum khalatta mashunzangda athumli makhorumara,

JOSHUA 23:9

Kaja Prohona nathumwui mangāli kahaka kala kapanga yurbing kachungkha kashamshokmihaira; kala nathumwui vanga, nathumli aja eina tangda khipānakha mangasungrarmana.