JOSHUA 23:7 - Kathara Bible (BSI)

⁷ chithākha nathumwui ngachaili yur khangateiwui mi leida khalei chili mamanātmara, lah athumwui varebingwui mingla masingmara, lah athumwui ming singda shākhi masāmara, lah otram mangatha̱mara, lah nathum khalatta mashunzangda athumli makhorumara,

JOSHUA 23:7 Iomraidhean Croise

2 WUNGNAOBING 17:12

Prohona meoma̱li, “Nathumna chili makhorumpaimana” da hāngkahai chili athumna khoruma.

2 WUNGNAOBING 5:18

Prohona narao ili himāng khayangmiranu kaja: iwui akhavāna Rimmonwui shimli zangda, ipāngtheili zunglaga khokharum tharan, ila Rimmonwui shimli kui mashunkazang tharan otsak chili Prohona naraoli kapheomiranu.”

2 THOTRINCHĀN 7:19

Kha ina nali mikahai iwui shiyan kala ningkhami mamayonla thuihaida vare khangateili khorumhaiakha,

LAA 16:4

I maningla vare khangatei kapangkakhuibing, athumwui kakhanang mataisangkhuia; athumwui asheewui ra̱shakchigat ina maheitāmimara! lah athumwui mingla imorchaili masingmara.

SHONGZĀ 20:5

athumli khayāmashipaimara lah makhorumpaimara; khikhalajila Proho nathumwui Vare iya mikpaikashe Varena, ili ningkakachaiali avāva̱ ngarāwui naongarāli naothot kakathuma kala khamate eina tangda tandi khame,

SHONGZĀ 23:13

“Ina hāngkahai saikora nganālu kala khangatei varebingwui ming masinglakalu, chili lāngda nathum khamorwui eina nilala mashāranu.

SHONGZĀ 23:33

Athum nathumwui ngaleili mapampaimara, kaja athumna nathumli morei sāngasakpaishina; nathumna athumwui varebingli otram ngatha̱akha, kachangkhat eina chi nathumwui vang khalen ngasāra.”

CHĀNSAM 4:14

Makaphābingwui apongli mazangalu, kala makaphā kasābingwui shongfali mazatalu.

JEREMIAH 12:16

Kala hithāda shokra, athumna iwui mibingwui apongbing chi ningmazinglak eina tamkhuiakha, imingli mingzaida, ‘Prohowui ming singda kahāngna,’ da athumna iwui mibingli Baalli mingkazai tamkachithei thāda saakha, iwui mibingwui ngachaili athumlila okthui ngasakra.

JEREMIAH 5:7

“Ina kathāda pheomira? Nanao ngarāna ili malaihaowa, kala vare makhaningbingwui ming eina mingzaihaowa. Athumli thoting eina mizaakha phokaphā ot sāhao, athumna khayorva̱wui shimli ngaheireida apamhaowa.

HOSEA 2:17

Kaja Baalwui aming chi ina awui khamor eina khuithuimihaida mingsinda mahangluimara.

ZEPHANIAH 1:5

shimtungli kānganinglaga zimik kachāng sirāli khokharumbing; Prohowui mingli mingzailala Milcomwui ming eina shākhi kasābing;

MISHĀN 32:38

Nebo, Baal-meon (amingbing chi ngacheihaira) kala Sibmah hibing hili keinung sākai; kala athumna sakā kahai keinungbingwui ming ngateida phoka.

MISHĀN 33:55

Kha nathumna ngalei chili rida pānkasa mibingli makashamshok ngakān-akha, katai athum china nathumwui vang mikli khayam kazang kala arili kashāt kazang thahaora, kala nathumwui kapampamli athumna sheikhutchingra.

1 CORINTHNAO 15:33

Maminam ngasakalu, “Makaphā ngasotnaona kaphā mili shimān ngasaka.”

EPHESIANAO 5:11

Tangkhamangli khalei mibingna kasā khikha makānkhanā ot chi masaalu, chiwui mahutliva chibing chi kahorli khuishoktha̱lu.

KHALATLUI 10:20

Proho nathumwui Vareli ngacheelu; nathum ali ngavapta otram ngatha̱lu, kala awui mingli mingzailu.

KHALATLUI 6:13

Nathum Proho nathumwui Vareli ngacheelu; ali otram ngatha̱lu; kala awui mingmāngli mingzailu.

KHALATLUI 6:14

Nathumli kuikhamareili khalei yurbingwui varebingli mashuralu;

JOSHUA 23:12

Kaja nathumna ngareithuihaida nathumwui alungli shākhaida khalei yur khangatei chili ngarumhaiakha, kala ngalā ngakhotta, nathumna athumwui kala athumna nathumwui sha̱naobingli ngakumakha,

JOSHUA 23:8

kha nathumna aja sāda khalei thāda Proho nathumwui Vareli ngavaptitlu.