JOSHUA 23:3 - Kathara Bible (BSI)

³ kala Proho nathumwui Varena yur khangateibingli nathumwui vang sāmi kahai saikora nathumna theihaira, kaja nathumwui vang ngararmi kahai chi Proho nathumwui Varena.

JOSHUA 23:3 Iomraidhean Croise

SHONGZĀ 14:14

Prohona nathumwui vang ngararmira, nathum kasaikha pammalu.”

SHONGZĀ 19:4

Egyptnaobingli ina kasā, kaja khalāngwui angachāng eina ina nathumli kathāda phungzat kala kathāda iwuili khuirākhala kaji chi nathumna theihaira.

EZEKIEL 20:28

Kaja ina ngashit kahai lam chili thānkhaung tharan, kaphung kajujui kala thingpompa̱ theikachida athumna pha̱kaphayā ot sāda machigat khangayili chigata, chili athumna nganamkaphā otyur riktāda ra̱shakchigat chigata.

MALACHI 1:5

Nathum khalattawui mikna hi theira, kala nathumna, “Israelwui thari kanvāda Proho chi Reikhamataina” da hāngra.

KHALATLUI 1:30

Proho nathumwui Vare china nathumwui miktāli Egyptli nathumwui vang sāmi kahai thāda nathum mangalila rizatta nathumwui vāng ngararmira;

KHALATLUI 20:4

kaja nathumli ngasokhame chi Proho nathumwui Vare china, nathumwui yangkashe chili ngararmida nathumna khayui ngasāra.’

KHALATLUI 4:9

“Ning ngasharmalu, ningli phumtithailu; nathum mik eina theikahai chila malaihaipaishina, kala mirin peida yansāngthuihaipaishina; nathumwui naongarā kala ara̱-azālila chi hāngchitheilu—

KHALATLUI 7:17

“Nathumwui ningli, ‘Yurbing hina ili hakmeida phaningda hāngakha, kathāda ina athumli kashamshokpairakhala?’

KHALATLUI 7:24

Kala ana athumwui awungabingla nathumwui pāngli horsangmida okathuli athumwui ming shimānchao ngasakra; kala nathumna athumli mashimitchaoranglakha eina tangda khipākha nathumli mangasungrarmara.

JOSHUA 10:14

Hikathā zimiksho hi ridala aruihonla hithāda Prohona mi akhawui tui khanganā mashoklakranga. Kaja Prohona Israelwui vang ngararmi.

JOSHUA 10:42

Kala Joshuana ngalei eina awungabing saikora sakkhali khotkha sai, khikhalajila Proho Varena Israelwui vang ngararmi.

JOSHUA 23:10

Ana nathumli ngashit kahai chithāda nathumwui mi akhana mi thingkhali ngararshapra, kaja Proho nathumwui Varena nathumwui vang ngararkhami einana.