JOSHUA 23:16 - Kathara Bible (BSI)

¹⁶ kalikhada nathumna Proho nathumwui Varena mikahai tuingashit, kala ana nathumli kaso kahaili ngakaishida khangatei varebingli otram ngatha̱da, kala khorumakha, Prohona nathumli malungvātta nathumli mikahai kaphā ngalei hiwui eina nathum thaklāk eina shimānhaora.”

JOSHUA 23:16 Iomraidhean Croise

1 WUNGNAOBING 14:15

tara̱lungli titi khanganuk thāda Prohona Israelli mutngasakhaora, kala athumwui avāva̱ ngarāli khami khamathā ngalei chiwui eina phurshokhaora, kala athumli Euphrates kānda khamathā ngalei chiwui eina yaoyānghaora, khikhalajila athumwui Asherim china Proholi malungvātngasakhaowa.

1 WUNGNAOBING 9:6

Kha nala, nanaongarāla, iwui ningkhami manganāmada, kala shiyan nawui mangāli haikhami mamayonla vare khangateili otram ngatha̱da khorumthuihaiakha,

1 WUNGNAOBING 9:7

ina athumli mikahai lam chiwui eina Israelli katatshokhaora; kala imingwui vang ngasāra da tharchigat kahai shim chila iwui mikyanwui eina horhaida Israel hi miyur saikorawui chānjam, kala meisumtui ngasāhaora.

2 WUNGNAOBING 17:7

Kashok saikora hi athumwui Proho Vareli ngakaishida Israelnaobingna morei kasāwui vangna, kaja awunga Pharaohwui pāngli leisāda Egyptwui eina thānshokkhame chili malaihaida vare kateili khorumhaowa;

2 WUNGNAOBING 24:20

Kaja athumna Proholi malungvāt khangasakwui vang, Jerusalem eina Judahli awui eina athumli shimān khangasakna. Zedekiahna Babylonwui awungali thuingarara.

ISAIAH 24:5

Okathui hi mikumona sāmakhaohaowa; kaja athumna ain mangākmana, shiyan sākhaihaowa; katang makhavai tuingashit mamayonthuwa.

JEREMIAH 32:23

kala athumna zangda ngalei chi samphanga. Kha athumna nawui tui manganāmana kala nawui ainwui athishurdala mazatmana; nana athumli sālu kaji akhala masāmana. Chiwui vang eina, kalākashi saikora hi nana athumwuitungli tā khangasakna.

JEREMIAH 32:24

“Yanglu, keinung khui khavai shairon rānganai mamānhaira; raighai, chāmrei kala kazātkashiwui vang, keinung hi, ngararda khalei Chaldeabingwui pāngli horsangmihaira. Nana hāng kahai chi ungshunghaira, kala yanglu, namik eina chi theihaira.

MISHĀN 33:56

Kala ina athumli sāmira da phaningkasā thāda ina nathumlila sāra.”

KHALATLUI 17:3

kala vare khangateibingli vāda otram angatha̱da khorumthuihaiakha, lah zimiklilapai, kachānglilapai, kala ina makhamayā kazingramli khalei khangatateililapai khorumakha,

KHALATLUI 28:15

“Kha nathumna ning ngasharda Proho nathumwui Varewui ningkhamibing lah awui shiyan saikora, ina aja nathumli kagaso hi nathumna manganaurakha, khonkashi saikora hi nathumwuitungli rāshokra.

KHALATLUI 6:15

khikhalajila nathumli ngasokazata Proho nathumwui Vare chiya mikpaishikatha Varena; awui malungkhavāt nathumwuitungli rāda nathumli okathui leimaiwui eina shimithaipaishina.

WUNGVA̱-WUNGVĀ 2:14

Chiwui vang Prohowui malungkhavāt Israelwuitungli rāhaowa, kala ana athumli kuimareida kapambing athumwui yangkashebingwui pāngli horsangmihaowa, chithāda sāda athum yangkashibingli mangasungrarthuwa.

WUNGVA̱-WUNGVĀ 2:20

Chiwui vang Prohowui malungkhavāt Israelwuitungli tāhaowa; kala Prohona hānga, “Khikhalajila mibing hina avāva̱ ngarāli ina tuingashit sāda kaso kahai chi athumna ngakaishi, kala athumna iwui kahāng makhanganāwui vang,

1 SAMUEL 12:25

Kha kalikhada nathumna makhayā ot sāchingakha, nathumla, nathumwui awungala shimānra.”