JOSHUA 23:14 - Kathara Bible (BSI)

¹⁴ “Kala ara I akhur vāki jiura, kala nathumna nathumwui wuklungli kala ningli thei, kaja Proho nathumwui Varena nathumli kaphā ot saikora ngashit kahai akhala maungkashung maleimana; nathumwui vang saikora ungshungserhaira, akhala maungkashung maleimana.

JOSHUA 23:14 Iomraidhean Croise

HAOKAPHOK 47:29

Israelna thiphalungki kaji atam rānganai kahai tharān anaomayara Josephli hokhuida hānga, “Nawui mikyanli mayāngaiakha napāng ikhaishāngzingli hailu, kala khamashung eina ning horsangda sāmirada khangashit sālu. Ili Egyptli machifalu,

1 WUNGNAOBING 2:2

“I ara okathui saikorana khavā shongfa chili vāki jihaira. Pingmeilu kala mayarnao shoklak eina zatlu,

1 WUNGNAOBING 8:56

“Ana ngashit kahai athishurda awui mi Israelli chingrihai khangasaka Proho chili soranu! Awui rao Mosesli hāngmi khangasak kaphā ngashit kahai chi tuikhur akha eina tangda makaimana.

JOBWUI LAIRIK 30:23

Mha, nana ili chithitra, kala kharing saikorawui vang haikhami shim chili khuivāra.

SHONGZĀ 3:8

Chieina athumli Egyptnaobingwui eina kanshok khavai, kala chiwui eina thānshokta seina̱ eina khuira̱ khalonga khamathā kala khamashā apam Canaannao, Hitnao, Amornao, Periznaobing, Hivnaobing, kala Jebusnaobingwui ngaleili thānvā khavai I katāna.

HĀSHOKME 12:5

athumna kajuiyalila nganga, kala shongzāli khangachee lei, almond arong awon khawon, khaohna ngamen kazat kala pangshap kashimān; mina awui katang makhavai shimli khaung, chapkhangachabingna chanrei kuikazat;

HĀSHOKME 9:10

Nawui pāngna sākhavai khalei kachiva̱ nawui yāng eina sālu; kaja nana vāki kajipam Kathewui ram chili ot kasāla, chukhamajala, theithangkhameila, aworla maleimana.

EZEKIEL 20:28

Kaja ina ngashit kahai lam chili thānkhaung tharan, kaphung kajujui kala thingpompa̱ theikachida athumna pha̱kaphayā ot sāda machigat khangayili chigata, chili athumna nganamkaphā otyur riktāda ra̱shakchigat chigata.

MISHĀN 23:19

Vare hi kakapika maningmana, lah ning ngacheiki kaje miwui nao maningmana. Ana hāngkahai ngalanrala? Lha ana matui kahai maungshung ngasakmala?

LUKE 21:33

Kazingram eina okathuila shimānhaora kha iwui tuiva kachilikha mashimānmara.

HEBREWNAO 9:27

Mi saikora akhashida thiphalungra.

1 SAMUEL 3:19

Kala Samuelna rarsangmamānda Prohona ngasomi, kala awui tui akhala mangapatlakmana.