JOSHUA 23:10 - Kathara Bible (BSI)

¹⁰ Ana nathumli ngashit kahai chithāda nathumwui mi akhana mi thingkhali ngararshapra, kaja Proho nathumwui Varena nathumwui vang ngararkhami einana.

JOSHUA 23:10 Iomraidhean Croise

2 SAMUEL 23:8

Davidwui kapinga raimibing chiya hina: Tah-chemonwui Josheb-basshebethna; ana kathāna kathumwui khareiana; ana thangkhali mi shāchishat awui kazei eina rungthata.

1 THOTRINCHĀN 5:20

athumli ngararda khangachon samkaphang tharan, Hagrinao kala athumli khangasobing saikora athumwui pāngli horsangmi; kaja athumna rai ngararmahunglakha Vareli ngakaowa, kala athumwui kapo chi ana mayāmi, khikhalajila ali athumna shitsanga.

1 THOTRINCHĀN 5:22

Varena ngararmihaoda mi kachungkha sāthata. Kala athumna raithā kahai atam eina tangda chili apama.

LAA 35:1

O Proho, ili khangasungbingli ngasungmilu; ili khangararbing chili ngararmilu!

LAA 46:7

Ashangva̱wui Proho ithumli ngasomida lei; Jacobwui Vare ithumwui ngayin khavaina.

SHONGZĀ 14:14

Prohona nathumwui vang ngararmira, nathum kasaikha pammalu.”

ISAIAH 30:17

Akhana khamachitli thingthing yāmra; kachungkhana machitta nathum yāmserhaora, kaphungtonli philānthing shun kahai thāda, kaphungli machut khavai sākahai thāda mashokranglakha eina tangda.

PĀNGMONSHI 26:7

Kala yangkashebingli nathumna kashamda athum raighai eina thira.

PĀNGMONSHI 26:8

Yangkashibing shākhali nathum phangāna kharomra, kala thingtharāli shākhana kharomra, kala nathumwui yangkashibing nathumwui mangāli raighai eina thiserra.

ZECHARIAH 12:8

Chithanghon Prohona Jerusalemli kapamabingli chāngvei akha eina ngākmira, kala athumwui ngachaili ngazanmeithuikaje china David thāhaora, kala Davidwui shimkhurna Vare thāda athumwuitungli khalei kazingraobing thāhaora.

ROMNAO 8:31

Chithākha ithumna hili khi hāngluira? Vare hi ithumwuina jiakha khipāna ithumli yangshirarra?

KHALATLUI 20:3

‘Nganālu, O Israel, aja nathumna yangkashebingli ngarar khavai rāhaira; nathumwui ning mashimānhaialu, ngacheeda makathiralu lah athumli yanglaga khangachee-khangachāla maleialu;

KHALATLUI 20:4

kaja nathumli ngasokhame chi Proho nathumwui Vare china, nathumwui yangkashe chili ngararmida nathumna khayui ngasāra.’

KHALATLUI 28:7

“Nathumli yangshida khangararbing chili nathumna yuikhavai nathumwui mangāli Prohona sāmira; athumna apong akha eina rāngararlaga apong shini eina yāmshokra.

KHALATLUI 3:22

Nathum athumli mangacheepaimana; khikhalajila nathumwui vang ngararkhame chi Proho nawui Varena.’

KHALATLUI 32:20

Kala Prohona hānga, ‘ina athumli mayangsangmiluimara, athumwui akatang kathanikhala ina yangra, kaja athum hiya makhamashunga thotna, shitkasang katong makhaleiya naongarābingna.

KHALATLUI 32:30

Kathāda akhana thingkhali kashamra, kala khanina thingtharāli kathāda shiyāmra kaji, athumwui Lunghār china athumli yorkahai maningkha, Prohona athumli mishok kahai maningakha?

JOSHUA 10:42

Kala Joshuana ngalei eina awungabing saikora sakkhali khotkha sai, khikhalajila Proho Varena Israelwui vang ngararmi.

JOSHUA 23:11

Chiwui vang eina Proho nathumwui Vareli leishi khavai nathum khalatta nganātitkhuilu.

JOSHUA 23:3

kala Proho nathumwui Varena yur khangateibingli nathumwui vang sāmi kahai saikora nathumna theihaira, kaja nathumwui vang ngararmi kahai chi Proho nathumwui Varena.

WUNGVA̱-WUNGVĀ 15:15

Kala ana chichangli gadhā makhāra̱kui khanganao akha leisāda chi apāng eina yonkhuiya, kala chieina ana ngaphitkachupta mi thingkha shākha thihaowa.

WUNGVA̱-WUNGVĀ 3:31

Ehudwui thili Anathwui naomayara Shamgarna, ana seira̱kui eina Philistinenaobing shātharuk shaothata; kala anala Israelli kanshoka.

1 SAMUEL 14:6

Kala Jonathanna awui chāngvei phungkhame yarona chili hānga, “Rālu, ini ahui marimkashoka shipaibingli ayangsa; Prohona iniwui vang ngararmilapai, kaja kanmi khavai Prohowui vang teokhana lah chungkhana maleimana.”