JOSHUA 23:1 - Kathara Bible (BSI)

¹ Atam kasangkhawui thili Prohona Israelli kuimareida khalei yangkashebingwui eina ngasāmkhui khangasak tharan Joshuala rarhaida saryuihaowa,

JOSHUA 23:1 Iomraidhean Croise

HAOKAPHOK 25:8

Abrahamna rarlak eina thida awo-ayiwuili vāhaowa.

1 WUNGNAOBING 1:1

Awunga David ara sarhaowa; kala athumna ali kachon fasangmilala malumthukthuwa.

1 THOTRINCHĀN 23:25

Kaja Davidna hānga, “Proho, Israelwui Varena awui mibingli chingrihai ngasakta, ana Jerusalemli mashimānda pamda lei.

1 THOTRINCHĀN 27:1

Hi Israel mibingwui shānkakhui avāva̱ ngarā shimkhurwui akhavābing, thing-thing kala shāshāwui kathānabing, kumshirinda, kachāngchāng, ngatak-ngatāda, awungali otram khangatha̱bingwui aming chi hina; meiphung ava̱va̱li mi thingmaga̱da-matiti lei.

2 THOTRINCHĀN 14:1

Chithāda sāda Abijah thikahai eina avāva̱ ngarāli ngasoda Davidwui keinungli chifahaowa. Kala anaomayara Asana awui mahut thuishina.

2 THOTRINCHĀN 14:5

Judahwui keinungli khalei kajujuipam kala nganamkaphā riktā khavai hanphut saikorala khuithuimiserhaowa. Kala wungram chi awui atamli chingri kahai samphanga.

2 THOTRINCHĀN 20:30

Chithāda Jehoshaphatwui wungram chingrihaowa, kaja Varena awui kuikhamareili chingrihai ngasakhaowa.

LAA 46:9

Ana okathui peida rai kasā tangngasaka; malā chi huntekmi, kala kazei sātekmi, ana siguigari mei eina thottami!

ISAIAH 63:14

Leiwukli sha̱kei sei homkapam thada, Prohowui Manglāna athumli ngasāmkhui ngasaka, chithāda nawui mibingli nana thānzata, Nakhalatta nawui ming tekhamatei khavai.

KHALATLUI 31:2

“I aja zingkum shākha maga̱ kāshunghaira; I zatung zatvā masārarthura. Prohona, ‘Na Jordan hi makānmara’ jihaira.

JOSHUA 11:23

Chieina Prohona Mosesli kakaso athishurda, Joshuana ngalei katonga chi yuikhui; kala Joshuana Israelwui shimlui sākhavai shang-shangli yarmi, kala ngalei chi rai masāluila chingrihaowa.

JOSHUA 13:1

Chitharan Joshua sarshunhaoda; Prohona ali hānga, “Na ara rarhaira, kha khuifaki kaji ngalei kachungkha leifaya.

JOSHUA 21:44

Kala Prohona athumwui avāva̱ ngarāli ngashit kahai athishurda athumli apam kachiva̱li ngasāmkhui ngasaka; yangkashe saikorawui eina akhanala athumli manganingkhamluimana; kaja yangkashebing saikora Prohona athumwui pāngli horsangmi.

JOSHUA 22:4

Ara Proho nathumwui Varena nathumwui achinā ngarāli ana ngashit kahai athishurda ngasāmkhui ngasakhaira; chiwui vang eina ara ngareikhuida Prohowui rao Mosesna nathumli Jordan kong lākhavāk mikahai ngalei nathumwui shim chili ungulu.

1 SAMUEL 12:2

Ara yanglu, awungana nathumli thānda lei; Iva sarhaida kuila ngapokhaira, kala yanglu, inaomayara khanila nathumli ngasoli; kala ina nganuilakha eina thuida aja rāshungda nathumli thānrāhaira.