JOSHUA 22:8 - Kathara Bible (BSI)

⁸ ana athumli hānga, “Nathumwui shimli, lan kachungkha, sha̱kei, sinā, lupā, kori, mari kala kashankachon kachungkha eina ngasoda ungulu; yangkashebingwui eina ngaponkakhui lan chi nachinā ngarālila ngayarmilu.”

JOSHUA 22:8 Iomraidhean Croise

1 THOTRINCHĀN 5:9

Ana zingshoshong Euphrateswui lamhāng zangkhavai vāshungdala soma, kaja athumwui sha̱kei Gilead ngaleili kachungkha mataisanghaowa.

2 THOTRINCHĀN 17:5

Chiwui vang Prohona awui pāngli awui wungram sakāmi, kala Judah saikorana shai chigatta khayā kālak, shānglak eina okthui.

2 THOTRINCHĀN 32:27

Hezekiah shāngshun kala khayāla kāshunhaowa; lan kazipshim kachungkha sākhui; luāpāsā, sinā, aman kasak ngalung, nganamkaphā otyur, chāngvei, kala aman kasasak khorkhong haikhavaila;

LAA 68:12

“Raimibingwui awungabing, athum yāma, athumna yāma!” Sha̱naobingna ngaponkakhui shimli ngayara,

CHĀNSAM 3:16

Okkapei awui yāpāngli lei, kala awui uishong kashāng eina khayākakā lei.

MISHĀN 31:27

Ngaponkakhuibing chi khum khani sāda ngayarlaga khumkha rai khavābingli kala khumkha yarui ashangva̱li da ngayarmilu.

1 CORINTHNAO 15:58

Chiwui vang eina leikashe ivānaobing, nganingtitlu. Nana Proholi otram khangatha̱ hi arema mangasāmara kaji theida otram khangatha̱li marekta sāchinglu.

HEBREWNAO 11:26

Egyptwui lan saikorale Messiahwui vang maikashi phāmeikhāra da ana theikhui; kaja naoda samphangki kaji sāman chimāngli yanga.

1 SAMUEL 30:16

Chieina ana thānkhavā tharan, yanglu, athum ngalei pemda morsonglaga phāshak-phazāda pheichak sāsai; kaja Philistinenaobingwui eina kala Judahwui eina athumna kachungkha angaponkhui.

1 SAMUEL 30:24

Khavābingna khavāman khuira, shim khamayonbingle yar masāmara kaji nali khipāna nganāsangrakhala? da hānghaowa.