JOSHUA 22:6 - Kathara Bible (BSI)

⁶ Chieina Joshuana athumli somi, kala athumli shivathaowa; kala athumna athumwui shimli unghaowa.

JOSHUA 22:6 Iomraidhean Croise

HAOKAPHOK 14:19

kala ana somida hānga, “Kazing ngalei kasā Juikhamataia Varena Abramli somiranu;

HAOKAPHOK 47:10

Jacobna Pharaohli somilaga shokhaowa.

HAOKAPHOK 47:7

Chiwui thili Josephna avāva̱ Jacobli khuirāda Pharaohwui mangāli thānzanga, kala Jacobna Pharaohli somi.

2 SAMUEL 6:18

Kala Davidna Prohowui mangāli rikkatā kachigat kala ningyatchigat chi sākup kahaiwui thili, ana mi saikorali ashangva̱ Prohowui ming singda somi;

2 SAMUEL 6:19

kala chili khalei Israel katongali, sha̱nao mayarnao mateila khamuihāng akharip, sā marimkharip da yaowa. Chiwui thili mibing kachichā shimli ungserhaowa.

2 SAMUEL 6:20

Kala Davidna ashi shimkhurli somikida unga. Kha Saulwui naongalāva̱ Michalna Davidli samphang khavai shokngarokta hānga, “Achei-arei makathei mi akhana kakhayak matheilākla akhalatta mafakakham thāda awui raobingwui preiva̱ ngarāwui miktāli Israelwui awungana aja akhalatta sāda khalei hi kayākha maikashi otkhala!”

1 WUNGNAOBING 8:66

Kachishatathang ana mibing chi kachichāramli shiunhaowa; kala awui rao David eina Israelnaobingli Prohona khamathā ot chitheikhamiwui vang mathānthup eina awungali somida kachichāramli ungserhaowa.

2 THOTRINCHĀN 30:18

Kaja Ephraim, Manasseh, Issachar kala Zebulunwui mi kachungkha hāngkahai thāda masāla mangaranglala phanitsā shai. Kaja Hezekiahna athumwui vang hithāda seihā sāmi: “Kapha Prohona

SHONGZĀ 39:43

Kala Mosesna ot saikora chi thei, kala yanglu, Prohona kakaso thāda athumna chi tākam eina sai. Athumna chithāda sākakhuiwui vang Mosesna athumli somi.

LUKE 2:34

kala Simeonna somida ava̱va̱ Maryli hānga, “Yanglu, angangnao hi Israel kachungkha konglui khavai kala ngakarthui khavai, kala hānghaikasawui khudam sāda kapangkhui kahaina

LUKE 24:50

Chiwui thili keinung eina thānshoklaga athumli Bethany eina tangda thānvai kala apāng khangkāda athumli somi.

JOSHUA 14:13

Chieina Joshuana ali somiya; kala ana Hebron ngalei chi Jephunnehwui naomayara Calebwui shimlui sākhavai mihaowa.

JOSHUA 24:28

Chieina Joshuana mibingli kachichā ramli shiunhaowa.

1 SAMUEL 10:25

Chiwui thili Samuelna awungawui mashun kala awunga akhawui sarān-varān chi mibingli hāngmi; kala chi ana lairikli kapikhuida Prohowui mangāli hai. Kala mi saikorali kachichāshi shimli shiunserhaowa.

1 SAMUEL 13:2

Saulna Israelwui mi thingkathum kapangkhui; mi thingkhani ali ngasoda Bethel kaphungram kala Michmashli pama, kala thingkhana Jonathanli ngasoda Benjaminwui Gibe-ahli pama, kateibing chiya kachichashiwui rāmrahli chihounghaowa.

1 SAMUEL 2:20

Chieina Elina Elkanah kala apreiva̱li somi, kala Elkanahli “Nanina Proholi chigat kahai nao hiwui mahut, nali sha̱nao hiwui eina khangatei naongarā miranu” da hānga. Chieina anina shimli latunghaowa.