JOSHUA 22:5 - Kathara Bible (BSI)

⁵ Prohowui rao Mosesna nathumli mikahai ningkhami eina ain chi mayontitlu, nathumwui Proho Vareli leishi khavai, awui apong saikorali zatkhavai, awui ningkhamibing mayon khavai, kala ali ngavaptit khavai kala ali nathumwui ning manglā tongda otram ngatha̱ khavaina.”

JOSHUA 22:5 Iomraidhean Croise

LAA 106:3

Mashun khamayonabing sokhami ngasāra, atam kachida khamashung khangarong ot kasā athum chi!

LAA 78:7

chiwui vang athumna Vareli kachihān leikhavai, kala Varewui otsakbing khamalai masāla, awui ningkhami mayon khavaina;

SHONGZĀ 15:26

hānga, “Nathumna ningasharlak eina Proho nathumwui Varewui akhon nganaakha, kala awui mikyanli khamashung ot chi saakha, kala awui ningkhami, kala shiyan chikan saikora mayonakha, ina Egyptnaobingli khami kazāt katha chi nathumwuitungli akhala marāngasakmara; kaja nathumli raikhame Proho chi ina.”

SHONGZĀ 20:6

kha ili leishida ningkhami saikora khamayonabing thingthingli makhangachei leikashi chitheikhamena.

SHONGZĀ 23:13

“Ina hāngkahai saikora nganālu kala khangatei varebingwui ming masinglakalu, chili lāngda nathum khamorwui eina nilala mashāranu.

SHONGZĀ 23:25

Proho nathumwui Vareli otram ngatha̱lu, ina nathumwui khamui eina tara̱li somira; kala ina nathumwui eina kazāt khuithuimihaora.

CHĀNSAM 4:23

Nawui wuklung ningmazingda hailu; kaja chiwui eina kharing ura̱ woka,

ISAIAH 55:2

Kashakazā makhaninga chiwui vang khisāda nana pheisā shimān ngasakkhala, kala mathokapai chiwui vang khisāda ngalang zārkhala? Ningmazinglak eina ili nganākhuida khamathā chi zālu, kala nakhalatta phasā phākhavai chili kahaolu.

JEREMIAH 12:16

Kala hithāda shokra, athumna iwui mibingwui apongbing chi ningmazinglak eina tamkhuiakha, imingli mingzaida, ‘Prohowui ming singda kahāngna,’ da athumna iwui mibingli Baalli mingkazai tamkachithei thāda saakha, iwui mibingwui ngachaili athumlila okthui ngasakra.

MATTHEW 22:37

Jishuna ngahānkai, “Nana nawui Proho Vareli nawuklung, kala namanglā kala naning tongtingda leishiphalungra.”

MATTHEW 4:10

Chieina Jishuna ali hānga, “Thulu, Satan! Kaja hithada kapihaida lei, ‘Nana Proho nawui Vareli khorumphalungra, kala amāngli otram ngatha̱ki kajina.’”

MATTHEW 6:24

“Khipānakha akhavā khaniwui otram mangatha̱rarmana; kaja ana akhapāli yangkharinglaga akhapāli leishira, lah akhali mashitlaklaga akhapāli ningkachaira, nathumna Vare eina lanli otram mangatha̱rumpaimana.

LUKE 1:74

ithumli samphang ngasaki kaji chiya; yangkashe pāngwui eina kanmi kahai mibing ngasāda, khangachee maleila ali otram ngatha̱paira.

JOHN 12:26

Kachikathāna ili otram ngatha̱miakha, a ili shurphalungra kala I khalei chili iwui raola sāda leira, ili otram ngatha̱khame mi chili iwui Avāna maiyā ngasakra.

JOHN 14:15

“Nathumna ili leishiakha iwui ningkhami mayonra.

OTSAK 11:23

Ana vākashung eina mibing chili kathada somikhala kaji theilaga a ringphālakhaowa kala Proholi ningtongda shitsangching khavai athumli kasatsanga.

OTSAK 27:23

Kaja āngayā, ina khokharuma iwui Varewui kazingrao akha ili rāda

ROMNAO 1:9

Anaomayarawui paokaphāwui vang ina ningtonglak eina otram khangatha̱ hi Varena shākhina. Iwui seihā kasā kachiva̱li nathumli khamalai masāla phaningungchinga kaji hila Varena thei.

ROMNAO 12:9

Kāshunglak eina leishilu, makaphāli ningkachailu, kaphā chi singtitlu.

ROMNAO 8:28

Ithumna thei kaja Varena awui kharin leida hokhui kahaia ali leikashebingli ana ot saikorali kaphā sārumchinga.

KHALATLUI 10:20

Proho nathumwui Vareli ngacheelu; nathum ali ngavapta otram ngatha̱lu, kala awui mingli mingzailu.

KHALATLUI 11:1

“Chiwui vang eina Proho nathumwui Vareli leishilu, kala awui kagaso, awui ain kala shiyan-chikan mayonchinglu.

KHALATLUI 11:13

“Kala Proho nathumwui Vareli, ningla manglāla tongtingda otram ngatha̱ khavai kala leishi khavai ina aja kagaso ningkhami hi nathumna mayonakha,

KHALATLUI 11:22

“Kaja ina kaso kahai ningkhami hi ningsanglak eina mayonda Proho nathumwui Vareli leishida kala ali ngavapta awui apongli zatakha,

KHALATLUI 13:4

Nathum Proho nawui Varewui thi shurda ali ngacheelu kala awui ningkhami mayonda awui kahāng nganālu kala ali ngavapta otram ngatha̱lu.

KHALATLUI 4:29

Kha chiwui eina nathumna Proho nathumwui Vareli wuklung kala ning tongtingda ali phāluiakha, nathumna ali samphangra.

KHALATLUI 4:4

kha Proho nathumwui Vareli ngashiktit kaje nathumna aja eina tangda ringdalei.

KHALATLUI 4:6

Saikora chi mayonlu kala sāchinglu; chi nathumwui thangkhamei kala theishingkakhui awor ngasāra, kaja yur khangateina shiyan-chikan hi shālaga, ‘Thangkhameiya kala theishingkakhuiya kahaka yurlaka’ da hāngra.

KHALATLUI 4:9

“Ning ngasharmalu, ningli phumtithailu; nathum mik eina theikahai chila malaihaipaishina, kala mirin peida yansāngthuihaipaishina; nathumwui naongarā kala ara̱-azālila chi hāngchitheilu—

KHALATLUI 5:10

kha ili leishida kala ningkhami saikora khamayona thingthingli makhangachei leikashi chithei.

KHALATLUI 6:17

Proho nathumwui Varena nathumli kaso kahai awui ningkhami, awui kagaso, kala shiyan chikan saikora nathumna ningmazingsing eina mayonki kajina.

HEBREWNAO 12:15

Varewui lukhamashanwui eina khipākha mangareithui khavai ngasharlu, khipākha kakhā thing kaphor thada chiwui hu eina yaruili makhonzār ngasakalu.

JAMES 1:12

Chāng khayangli shitkasang makhangachei mi chi sokhamina, kaja ana chāng khayangli nganingshapakha ishameili leikashebingli ngashitmi kahai kharingwui wungkuihon chi awui sāman sāda samphangra.

JAMES 2:5

Nganāmilu, leikashiya ivānaobing, Vareli leikashebingli ana ngashitmi kahai wungram chiwui shimluikat kala shitkasangli kashānga mi ngasā khavai okathuili kachāmabingli Varena kapangkhui.

JOSHUA 23:8

kha nathumna aja sāda khalei thāda Proho nathumwui Vareli ngavaptitlu.

PHONGKHAMI 15:3

Athumna Varewui rao Moseswui laa, kala Yaonaowui laa sai: “Hakhamahā, matakhak kahai nawui otsakna, O Sāshap-pangshapa Proho! Kaphā eina mashun nawui apongna, O thotthotwui Awunga!

1 SAMUEL 12:20

Chieina Samuelna athumli hānga, “Mangacheealu; nathumna khayon saikora hi sāhaira, chitha-ilala Prohowui thi kashurwui eina mangareithuihaialu, kha Proholi nathumwui ning tongda otram ngathalu;

1 SAMUEL 12:24

Proholi ngacheemalu kala ningtongda otram ngathalu; kaja phaningyanglu, nathumwui vang hiyākha kahaka ot ana sāmihaira.

1 SAMUEL 7:3

Chieina Samuelna Israelwui shimkhur saikorali hānga, “Kalikhada nathumna Proholi nathumwui ningyang tongda hanungda leiakha, yur khangateiwui varebing kala Ashtaroth, nathumwui alungli khalei chi horhaolu, kala Proholi nathumwui ning ngareiunglu, kala amāngli otram ngatha̱akha, ana nathumli Philistinenaobingwui pāng eina ngatangkhuimira.”