JOSHUA 22:34 - Kathara Bible (BSI)

³⁴ Reubennaobing eina Gadnaobingna hanphut chili shākhi hoi; “Kaja,” athumna hānga, “Ithumwui ngachaili Proho hi Varelaka kaji chi hina shākhi akhana.”

JOSHUA 22:34 Iomraidhean Croise

HAOKAPHOK 31:47

Labanna chili Jegar-sahadutha hoi: kha Jacobna Galeed hoi.

HAOKAPHOK 31:48

Labanna hānga, “Aja, rihai hina iniwui ngachaili shākhina.” Chiwui vang eina apam chili Galeed kahona,

1 WUNGNAOBING 18:39

Chi theilaga mibingna ngakhumshāmhaida “Proho a hi Varelaka; Proho a hi Varelaka” da hānga.

ISAIAH 19:19

Chithanghon Egypt ngaleiwui alungthungli Prohowui hanphut akha, chiwui ayarli Prohowui kathara pākra̱ akha leisāra.

ISAIAH 43:10

“Nathum iwui shākhina, kala I Prohona kaji theishingkhuida shitsang khavai, nathum iwui kapangkakhui raona da Prohona hānga. Ili rida kala ili naomeida vare katei maleimana.

MATTHEW 4:10

Chieina Jishuna ali hānga, “Thulu, Satan! Kaja hithada kapihaida lei, ‘Nana Proho nawui Vareli khorumphalungra, kala amāngli otram ngatha̱ki kajina.’”

JOSHUA 22:27

kha hina nathum eina ithum, kala ithumwui thili shokrāda khalei naothot ngachaili shākhi sākhavai, kala ithumla Prohowui mangāli rikkatā kachigat, pha̱kaphayā kala ningyatchigat sāda otram ngathapaira; chi maningakha nathumwui naongarāna ithumwui naongarāli Prohowuili nathumwui yar maleimana da hāngpaishina.

JOSHUA 24:27

Kala Joshuana mi saikorali hānga, “Yanglu, ngalunggui hi ithumwui shākhina; kala Prohona ithumli matui kahai tui saikora hina shākahaina; chiwui vang eina hina nathumwui shākhi ngasāra, maningakha nathumna nathumwui Vareli minamda sapaishina.”