JOSHUA 22:30 - Kathara Bible (BSI)

³⁰ Pāngmon Phinehas kala ali ngasokazata ashangva̱wui akuibing, kala Israel shimkhurbingwui wungva̱-wungvābingna, Reubennaobing, Gad kala Manassehwui kahāng tui chi shālaga, china athumli ningyāng ungngasakhaowa.

JOSHUA 22:30 Iomraidhean Croise

HAOKAPHOK 28:8

Chieina Esauna Canaan sha̱naobingna avāva̱ Isaacli maringpha ngasakmana kaji theida,

2 THOTRINCHĀN 30:4

chieina awungala kala yaruinala atam chipapamra jikahaina.

ESTHER 1:21

Memucanna kahāng chi awungala, wungnao kateibingla mayāngaiserhaoda;

CHĀNSAM 15:1

Khanima chānhāna malungkhavāt vān ngasaka, kha chānhan makhaungna malung thuingasaka.

OTSAK 11:18

Athumna hi kashā eina athumwui khayetla thāhaowa kala athumna Vareli masotchitkatta hānga, “Chithākha Gentilela ningngateikhuida kharing samphang khavai Varena mayāmihaira.”

JOSHUA 22:29

Awui tabernacle mangāli khalei ithumwui Vare Prohowui hanphut maningla rikkatā kachigat, tharāzāt kachigat, lah pha̱kaphayā hanphut khangatei sakāda Proholi ngakaishiki kaji kala Prohowui eina mai ngareithuihaoki kaji chiya ithumwui eina katāva̱li thuiranu!”

JOSHUA 22:31

Chieina pāngmon Eleazarwui naomayara Phinehasna Reubennaobing, Gad kala Manassehli hānga, “Aja Prohona ithumli ngasomi kaji ithumna thei, kaja nathumna Prohowui mangāli khikha zakkashi masāmana kala nathumna Israelwui mibingli Proho pāngwui eina kanmihaira.”

JOSHUA 22:33

Kala pao chi shālaga Israelwui mibing ningyāngunglakhaowa; kala Israelwui mibingna Vareli sochikatta athumwuitungli zakkashi mamatuiluimana kala Reubennaobing eina Gadnaobingna kapam ngalei chi masākazamluimara da hānga.

WUNGVA̱-WUNGVĀ 8:3

Varena nathumwui pāngli Midiawui wungnao Oreb eina Zeebli horsangmihaira; chili ngaheolaga ina nathumli khi phāmeida sāshapkhala?” da hānga. Ana chi kahāng eina athumwui malungkhavāt suitāhaowa.

1 SAMUEL 29:6

Chieina Achishna Davidli hokhuida hānga, “Nawui ning kathar Prohowui ming singda kahāngna, kharethang eina thuilaga aja eina tangda ina nawui khayon matheilakmana, kala ajawui rai hili ini ngasoshang ngasotā sāra da phaningsai. Kha wungnaobingna mamayāmana.