JOSHUA 22:29 - Kathara Bible (BSI)

²⁹ Awui tabernacle mangāli khalei ithumwui Vare Prohowui hanphut maningla rikkatā kachigat, tharāzāt kachigat, lah pha̱kaphayā hanphut khangatei sakāda Proholi ngakaishiki kaji kala Prohowui eina mai ngareithuihaoki kaji chiya ithumwui eina katāva̱li thuiranu!”

JOSHUA 22:29 Iomraidhean Croise

HAOKAPHOK 44:17

Kha Josephna hānga, “Ina chitha khavai maleimana: khuiphungkasāpamāng iwui raonao sāra, kha nathum kateibinga chingri eina navāwuili ungulu.”

HAOKAPHOK 44:7

Athumna hānga, “Ameina khisāda hikathā tui hānghaokhala? Naraobingna hikathā ot sākida katāva̱li lei.

1 WUNGNAOBING 21:3

Kha Nabothna Ahabli hānga, “Ishāvā ngarāwui shimlui nali mikida Prohonala mamayāmana.”

2 WUNGNAOBING 18:22

Kha nathumna ili, “Ithumwui Proho Vareli ningkashaina, jilaga Hezekiahna Judah eina Jerusalemli, Jerusalemli hanphut hili khorumra da hānglaga kajujuipam kala hanphutbing sākathānmi kahai chi a maningmala?

2 THOTRINCHĀN 32:12

Kajujuipambing kala hanphutbing sākazamhaida, ‘Nathum hanphut akhamāngli khorumra kala chiwuitungli pha̱phayāki kajina’ da Judah kala Jerusalemwui mibingli kakaso mi chi Hezekiah hi maningmala?

ROMNAO 3:6

Maningphutmana! Vare khangaronga maningsi kaje ana kathada okathuili bichar sapairakhala?

ROMNAO 6:2

Maningphutmana! Ithum moreili thihaira, chithākha kathada chiwui lungli ringchingpairakhala?

ROMNAO 9:14

Chithākha ithumna khi hāngra? Varewuili makhamashung leilā? Maningphutmana.

KHALATLUI 12:11

awui ming leikhavai Proho nawui Varena kapangkakhui apam chili, ina kaso kahai saikora chi khuivāra: nathumwui rikkatā kachigatbing kala nathumwui pha̱kaphayābing, nathumwui tithe kala nathumna khuikharā khangatatei kachigatbing kala Proholi nathumwui khangashit kasāwui kachigat chila chili khuivāra.

JOSHUA 22:23

hanphut sākakā hi Prohowui thi kashurwui eina mai ngareithui khavai, lah rikkatā kachikatranu, tharāzatchigatranu, ningyatchigatranu, chigat khavaina jiakha, Proho khalattana chiwui angalang hāngsangranu.

JOSHUA 22:26

Chiwui vang eina ithumna kahāngna, ithum arui hili rikkatā kachigatwui vang, lah pha̱phayā khavaiwui vang maningla hanphut akha sākāsa,

JOSHUA 22:28

Kala ithumna chukmaja̱ya, kalikhada rārāda khalei atamli ithumli lah ithumwui naongarāli chithāda hāngakha ithumna, ‘Yanglu! ishava ngarāna sākahai, Prohowui hanphut sākakhui leida lei, hi rikkatā kachigatwui vangla, pha̱kaphayāwui vangla maningmana, kha ithum eina nathumwui ngachaili shākhi akhana’ da ngahānkāra.

JOSHUA 22:30

Pāngmon Phinehas kala ali ngasokazata ashangva̱wui akuibing, kala Israel shimkhurbingwui wungva̱-wungvābingna, Reubennaobing, Gad kala Manassehwui kahāng tui chi shālaga, china athumli ningyāng ungngasakhaowa.

JOSHUA 24:16

Chieina mibingna ngahānkai, “Ithumna Proholi horhailaga khangatei varebingli otram ngatha̱ra kaji ithumwui eina katāva̱li lei;

1 SAMUEL 12:23

Chili lāngda, nathumwui vang pokhami thahaida Proholi morei sāra kaji hi iwui eina katāvali leiranu, ina nathumli khamashung kala kaphā shongfa chi tamchitheira.