JOSHUA 22:27 - Kathara Bible (BSI)

²⁷ kha hina nathum eina ithum, kala ithumwui thili shokrāda khalei naothot ngachaili shākhi sākhavai, kala ithumla Prohowui mangāli rikkatā kachigat, pha̱kaphayā kala ningyatchigat sāda otram ngathapaira; chi maningakha nathumwui naongarāna ithumwui naongarāli Prohowuili nathumwui yar maleimana da hāngpaishina.

JOSHUA 22:27 Iomraidhean Croise

HAOKAPHOK 31:48

Labanna hānga, “Aja, rihai hina iniwui ngachaili shākhina.” Chiwui vang eina apam chili Galeed kahona,

HAOKAPHOK 31:52

Rihai eina pakra̱ hina shākhina, kaja ina nali makaphā sākhavai rihai kala pakra̱ hi mamakānmara, kala nanala ili makaphā sākhavai rihai eina pakra̱ hi mamakānpaimara.

LAA 16:5

Proho iwui kapangkhui kahai yarna kala ili chipemkhamena; iwui kashi kaphārin nawui pāngli lei.

ISAIAH 19:19

Chithanghon Egypt ngaleiwui alungthungli Prohowui hanphut akha, chiwui ayarli Prohowui kathara pākra̱ akha leisāra.

KHALATLUI 12:11

awui ming leikhavai Proho nawui Varena kapangkakhui apam chili, ina kaso kahai saikora chi khuivāra: nathumwui rikkatā kachigatbing kala nathumwui pha̱kaphayābing, nathumwui tithe kala nathumna khuikharā khangatatei kachigatbing kala Proholi nathumwui khangashit kasāwui kachigat chila chili khuivāra.

JOSHUA 22:10

Kala athumna Canaan ngalemli khalei Jordanvāk katā eina, Reubennaobing, Gadnaobing kala Manasseh shang tangkhai athumna Jordan chili hanphut kahakva akha sākhui.

JOSHUA 22:26

Chiwui vang eina ithumna kahāngna, ithum arui hili rikkatā kachigatwui vang, lah pha̱phayā khavaiwui vang maningla hanphut akha sākāsa,

JOSHUA 22:28

Kala ithumna chukmaja̱ya, kalikhada rārāda khalei atamli ithumli lah ithumwui naongarāli chithāda hāngakha ithumna, ‘Yanglu! ishava ngarāna sākahai, Prohowui hanphut sākakhui leida lei, hi rikkatā kachigatwui vangla, pha̱kaphayāwui vangla maningmana, kha ithum eina nathumwui ngachaili shākhi akhana’ da ngahānkāra.

JOSHUA 22:34

Reubennaobing eina Gadnaobingna hanphut chili shākhi hoi; “Kaja,” athumna hānga, “Ithumwui ngachaili Proho hi Varelaka kaji chi hina shākhi akhana.”

JOSHUA 24:27

Kala Joshuana mi saikorali hānga, “Yanglu, ngalunggui hi ithumwui shākhina; kala Prohona ithumli matui kahai tui saikora hina shākahaina; chiwui vang eina hina nathumwui shākhi ngasāra, maningakha nathumna nathumwui Vareli minamda sapaishina.”

1 SAMUEL 7:12

Chiwui thili Samuelna ngalung akha khuida Mizpah eina Jeshanahwui ngachaili shuna, kala chiwui aming Ebenezer phokmi; kaja “Hi eina tangda Prohona ithumli ngachonmi” kajina.