JOSHUA 22:25 - Kathara Bible (BSI)

²⁵ Kaja, Prohona ithum eina nathum Reubennaobing eina Gadnaobingli Jordanna thari sāmihaira, Prohowuili nathumwui yar maleimana,’ chieina ithumwui naongarāli nathumwui naongarāna, Proholi khokharum ngasām ngasakhaipaishina.

JOSHUA 22:25 Iomraidhean Croise

2 SAMUEL 20:1

Chitharan Benjaminshangli, Bichriwui naomayara Sheba hoda khikha masākhavai mi akha leisai; kala ana talla̱ khongda hānga, “Davidwuili ishiwui yar maleimana, ithum Jessewui naomayarwui eina shimlui samphang khavai maleimana; kachichāshili ungserulu, O Israel!”

1 WUNGNAOBING 12:16

Athumwui kapo chi makhuisangkhami theilaga Israel saikorana awungali hānga, “Davidshiwuili ithumwui yar khi leikhala? Jessewui naomayarawuili ithumna shimlui samphangkharān maleimana. Kachichashiwui shimli ungulu, O Israel! David, nala nasasakulu.” Chieina Israelnaobing kachichā shimli ungserhaowa.

1 WUNGNAOBING 14:16

Kala Jeroboamna morei sālaga ana Israelli morei sākhangasakwui vang, Israelli horhaora.”

1 WUNGNAOBING 15:30

Jeroboamna morei sāda Israelli morei sākhangasakwui vang Israelwui Proho Vareli malungvātngasakhaowa.

NEHEMIAH 2:20

Chieina ina athumli ngahānkai, “Kazingramli khalei Varena ithumli mataisang ngasakra, kala awui rao ithumna ngakarthuida sakāluira; kha hiwui pongli nathumwui yar, mashun kala Jerusalemli phaningungkharān khikha maleimana.”

LAA 16:5

Proho iwui kapangkhui kahai yarna kala ili chipemkhamena; iwui kashi kaphārin nawui pāngli lei.

OTSAK 8:21

Hiwui ot hili nawui yar mazangmana; kaja Varewui miktāli kaphaning mamashungmana.

JOSHUA 22:24

Maningmana, kha ithumna khangacheewui eina kasāna, kaja naoda nathumwui naongarāna ithumwui naongarāli ‘Nathumna Proho Israelwui Vareli khi khangashit leikhala?

JOSHUA 22:26

Chiwui vang eina ithumna kahāngna, ithum arui hili rikkatā kachigatwui vang, lah pha̱phayā khavaiwui vang maningla hanphut akha sākāsa,

JOSHUA 22:27

kha hina nathum eina ithum, kala ithumwui thili shokrāda khalei naothot ngachaili shākhi sākhavai, kala ithumla Prohowui mangāli rikkatā kachigat, pha̱kaphayā kala ningyatchigat sāda otram ngathapaira; chi maningakha nathumwui naongarāna ithumwui naongarāli Prohowuili nathumwui yar maleimana da hāngpaishina.

1 SAMUEL 26:19

Chiwui vang eina amei awunga, narao iwui tui khanganāmilu. Kalikhada ili makhamayā khalei hi Prohona naningli ngatha̱ khangasakna jiakha pha̱kaphayā hi ana khuimiranu. Minakha, ali Prohona khonkashi ngasaranu; kaja Prohowui eina samphang khangayi yar chi masamphang ngasakla aja athumna ili kashamhaida hānga, ‘Thuiulu, khangatei varebingli akhorumlu.’