JOSHUA 22:22 - Kathara Bible (BSI)

²² “Pangshapa, Proho Vare, Pangshapa Proho Vare! Ana thei; kala Israel khalattanala theiranu! Kalikha hi ngakaishida lah Proholi shitkasang kaida kasāna jiakha, ithumli tandi miranu!

JOSHUA 22:22 Iomraidhean Croise

1 WUNGNAOBING 8:39

nawui pamkhavai kazingramli shākāmida, kapheomilu; kala nana mi kachiva̱li kachichāwui kaphaning athishurda sāmilu; (kaja mi kachiva̱wui ning namāngna theisera);

JOBWUI LAIRIK 10:7

I mayonmana kaji nana theilala napāngwui eina ngatangmikashap khipākha malei kajila?

JOBWUI LAIRIK 23:10

Kha ina kazat shongfa chi ana thei, ana ili chāng yanghaiakha I sinā thāda shokra.

JOBWUI LAIRIK 31:22

chikathāwui vang iyartuiwui ara̱kui chakshokhaoranu; kala ipāngthei chakshokhaoranu.

LAA 136:2

O varebingwui Vareli ningkashi milu, kaja awui makhangachei leikashi katang mavaimana;

LAA 37:6

Nawui athut hāngkasang kahor thāda, kala nawui mashun ngashun thāda ana athut khuirāmira.

LAA 40:9

Kanshokkhamiwui ringkaphā chānpao hakkhamahā yarui kazipli ina hānghaira. Yanglu, O Proho, nana kathei thāda imorchai morthum maleimana.

LAA 44:21

Varena chi maphāshokmarala? Kaja khangathum ningla ana thei.

LAA 44:22

Kha nawui vang ithumli langpongda sāthatpamda lei, kala taithat khavai yao thāda shānkhuihaira.

LAA 50:1

Pangshapa, Vare Prohona, zimik kashokwui eina thuida katun eina tangda matuida okathuili hokhui.

LAA 82:1

Varena awui hanga̱pamli pamhaira; varebingwui alungli ana bichar sai:

LAA 95:3

Kaja Prohohi reikhamataia Varena, kala varebing saikorawuitungli reikhamatai Awungana.

LAA 97:7

Meoma̱li khokharum saikorali maishi ngasaka, makānkhana meoma̱wui vang langkasobing chili; vare saikorana Prohowui mangāli khoruma.

SHONGZĀ 18:11

Ara ina theihaira kaja Prohona vare kateibingli hakmeiya, khikhalajila ana mibingli Egyptnaobingna zakshilak eina kasāwui eina ngatangkhuimi.”

JEREMIAH 12:3

Kha, nana ili katheina, O Proho, nana ili thei, kala nawui apongli ining tamyanga. Taithat khavai yaonao thāda athumli ngakhunshoklu, kala taithat khavai zimikshowui vang athumli ngateida hailu.

JEREMIAH 17:10

Proho, Ina ningli kapeoyanga, kala wuklungli tamyanga; mi kachiva̱li awui apongwui thishurda, awui kasāsāwui athei athishurda mikhavaina.”

DANIEL 11:36

“Kala awungana awui ningkhān eina sāra, akhalatta varebingli pangshap reimei kaji chitheira, kala varebingwui Vareli mahāngkhamararao tui kachungkha hāngra. Malungkhavat makupranglakha eina tangda ana reisangra; kaja ngarān kahai athishurda ungshungphalungra.

DANIEL 2:47

Awungana Danielli hānga, “Kachangkhat eina nawui Vare hiya varebingwui Varena kala awungabingwui Prohona, kala ngathum kahai phongkhamena; khikhalajila ngathum kahai hi nana phongmishaphaowa.”

MICAH 7:9

Prohowui malungkhavāt chi Ina phungra. Kaja ina awui mangāli morei sāhaira, ana iwui vang maphayatmiranglakha, kala tuitak matāmiranglakha eina tangda phungra. Ana ili kahorli khuishokmira; awui ngatangkhami chi ina theira.

MALACHI 3:18

Chiwui thili akhashida nathumna khamashung khangarong eina makaphā makhayā, Vareli otram khangatha̱ eina makhangatha̱ mibingwui khangatei nathumna theikhuira.

JOHN 21:17

Kakathumali Jishuna hānglui, “Johnwui naomayara Simon, na ili leishila?” Kakathumalila “Na ili leishila?” da khangahānwui vang Peter wukkhananghaowa; kala hithada ngahānkai, “Proho, nana saikora katheina; ina nali leishiya kaji nana thei.” Jishuna ali hānga, “Iwui yaobingli phāuilu.”

OTSAK 1:24

Chiwui thili athumna seihā sai, “Proho, mi kachiva̱wui kaphaning nana thei, chieina khalattana vākhangayiya apamli vākhavai

OTSAK 25:11

Ina ain sakhaihaida thikhangayi shongrān leiakha ina chiwui eina yāmkhavai mapolakmana; kha iwuitungli khuikharā kaphen chili khamashung mazangmana jiakha, khipānakha ili athumwui pāngli mamipaimara. Ina Caesarli khangakaona.”

2 CORINTHNAO 11:11

Ina nathumli maleishimana jihaola? Ina nathumli leikashi Varena thei.

2 CORINTHNAO 11:31

I makapikmana kaji hi Proho Jishuwui Avāva̱, katang mavaila sokhame Varena thei.

2 CORINTHNAO 5:11

Chiwui vang eina Proholi ngacheekhangayi theida ithumna kateibinglila suikhui khavai ngarāna. Ithumli Varena theisera, kala nathumnala ningli theisera da shitsanga.

KHALATLUI 10:17

Kaja Proho nathumwui Vare hiya varebingwui Varena, kala prohobingwui Prohona; reikhamataiya, pangshapa, khangachee-khangachā Vare, mijang makasā, kala akhangei makakhuiya Varena.

1 TIMOTHY 6:16

Makathe kala khipānakha marānganaikhararra kahora ramli kapāna chi a mānga. Ali khipānakha matheiranga, katheila matheirarmana. Khayākakā kala mashimānda khamung chi awui ngasāranu. Amen.

HEBREWNAO 4:13

Varivarawui eina ngathumkapai khikha maleimana. Ot saikora awui miktāli ngakheikhang eina theisera; kala ithumna sākahai ot saikora ali hāngphatserki kajina.

JOSHUA 22:21

Chieina Reuben, Gad kala Manasseh shang tangkhaina Israel shimkhurwui wungva̱-wungvābing chili ngahānkāda hānga,

PHONGKHAMI 19:16

Awui kachonli kala akhaishāngli “Awungabingwui Awunga kala prohobingwui Proho” da aming kapisanghai.

PHONGKHAMI 2:23

Awui thikashurabingli ina sāthatserhaora, chieina church saikorana I hi mi saikorawui kaphaning sākhangai katheiana da theikhuira. Kala nathum kachiva̱li kachichāna sākahai athishurda mira.

1 SAMUEL 15:23

Kaja ngakaikashi hi khanong khayang kathāna, kala nurkhangahar hi meoma̱li khokharum kathāna. Khikhalajila nana Prohowui tui makhuikasangwui vang, Prohonala nali awunga sākhavai mamayāthura.”

1 SAMUEL 2:3

Langsoda tui mamatuiluilu, yākhangai tui nakhamorli mashokranu; kaja Prohohi theiser kaje Varena, kala otsak saikora ana tama.