JOSHUA 22:18 - Kathara Bible (BSI)

¹⁸ chieina nathum aja Proholi kashurwui eina ngareithuihaorala? Kala aja nathumna Proholi ngakaishiakha awui malungkhavāt chi akhama Israel ashangva̱wuitungli tāra.

JOSHUA 22:18 Iomraidhean Croise

2 SAMUEL 24:1

Israelwuitungli Prohona malungvātluihaida, Davidli ning za̱ngasakta hānga, “Vālu, Israel eina Judah shānkhuilu.”

1 WUNGNAOBING 9:6

Kha nala, nanaongarāla, iwui ningkhami manganāmada, kala shiyan nawui mangāli haikhami mamayonla vare khangateili otram ngatha̱da khorumthuihaiakha,

2 WUNGNAOBING 17:21

Ana Davidwui shimkhur eina Israelli khuithui kahai chitharan athumna Nebatwui nao Jerobaomli awunga sāngasaka. Kala Prohowui thi mashur ngasakla Jeroboamna Israelnaobingli morei kachungkha sāngasaka.

1 THOTRINCHĀN 21:1

Satanna Israelli yangshihaida, mi mashing shānkhavai Davidli rāsui.

1 THOTRINCHĀN 21:14

Chiwui vang Israelwui alungli Prohona kazātkashi chihorai; kala mi thinghangshini pitā ngasakhaowa.

2 THOTRINCHĀN 25:27

Ana Prohowui eina ngareikathui eina thuida Jerusalemli khalei athumna awuitungli ngathumda ngakuka, chieina ana Lachishli yāmvāhaowa. Kha chili kharomvāda asāthathaowa.

2 THOTRINCHĀN 34:33

Kala Israelwui apam saikorali khalei ningkakachai ot saikora Josiahna chiwui eina khuithuimiserhaowa. Israelli khalei athum saikora athumwui Proho Vareli otram ngatha̱ ngasaka. Awui mirin peida athumwui avāva̱ ngarāwui Proho Vareli kashurwui eina mayāmlakmana.

PĀNGMONSHI 10:6

Kala Mosesna Aaron eina anaomayara khani Eleazar eina Ithamarli hānga, “Nathumwui kuisam makhalaalu; kachonla maserkhakalu, nathum thihaipaishina, mibingwuitungli malungkhavāt rāpaishina, kha Prohona chuingasakta chuikathat hiwui vang nachinā ngarā Israel shimkhur katongana sifaranu.

MISHĀN 16:22

Anina mai mashunzangda hānga, “O Vare, manglākapai saikorawui Vare, mi akhana morei kasāwui vang yarui ashangva̱li malungvātrala?”

MISHĀN 32:15

Kaja nathumna Prohowui eina mai ngareithuihaiakha, ana nathumli lamhāngli horluihaora; kala mi saikora hi nathumna shimān ngasakluihaora.”

KHALATLUI 7:4

Khikhalajila nanao mayarabingli athumna suithuihaida iwui thi mashurla vare khangateili otram ngatha̱akha; Prohona malungvāt kahai tharan, athumli ngalāngda shimān ngasakra.

JOSHUA 22:15

Athumna Gileadwui ngaleili Reuben, Gad kala Manasseh shang tangkhaili, vāda athumna athumli ahānga,

JOSHUA 22:16

“Prohowui yarui ashangva̱na hithāda hānga, ‘Khisāda Proholi kashurwui eina aja Israelwui Varewui eina ngareithuihaida Proholi ngakaishida nathum khalattana hanphut akha sakāda mikhanam hi khikhala?

JOSHUA 22:20

Zerahwui naomayara Achanna shitkasang kaida sākazam kahai otbing kakhuiwui vang eina malungkhavāt chi Israel katongawuitungli matāmala? Awui moreiwui vang amāng mashimānmana.’”

JOSHUA 7:1

Kha sākashimānli zangkahai otbingwui apongli Israelwui mibingna shitkasang kaihaowa; kaja Judah shangnaoli Zerahwui naomayara Zabdi, Zabdiwui naomayara Carmi, Carmiwui naomayara Achan china sākathān kahai ot kakhuihaowa kala Israelwui mibingli Prohowui malungkhavāt mei thāda chuihaowa.

JOSHUA 7:11

Israelna morei sāhaira; ina athumli kaso kahai iwui tuingashit chonmakānhaira; sāshimān kahai ot athumna khuihaira kala leekhuilaga kapikta athumwui otlungli thumhaida lei.

JOSHUA 7:21

horkathānhaikasā lanbing chiwui ngachaili Shinarwui kachon khamathā akha, kala shekel shākhani kharita lupāsā kala shekel hangphangā kharita sinātang, chi kathei eina ina ngamarda ningchanghaowa, kala khuihaowa; kala yanglu, chibing chi iwui kachonshimwui leikhur akhali lupāsā eina mazinglaga phumhaida lei.”

1 SAMUEL 12:14

Nathumna Proholi khangachee eina otram ngatha̱da awui kahāng nganaakha kala Prohowui ningkhamili mangakaishiakha; kala nathumla, nathumli khamunga awungala, nathum Varewui thi shurakha, phālakra;

1 SAMUEL 12:20

Chieina Samuelna athumli hānga, “Mangacheealu; nathumna khayon saikora hi sāhaira, chitha-ilala Prohowui thi kashurwui eina mangareithuihaialu, kha Proholi nathumwui ning tongda otram ngathalu;