JOSHUA 22:10 - Kathara Bible (BSI)

¹⁰ Kala athumna Canaan ngalemli khalei Jordanvāk katā eina, Reubennaobing, Gadnaobing kala Manasseh shang tangkhai athumna Jordan chili hanphut kahakva akha sākhui.

JOSHUA 22:10 Iomraidhean Croise

HAOKAPHOK 12:7

Chitharān Prohona Abramli rāchitheida hānga, “Nawui naotunbingli ina ngalei hi mira.” Chiwui vang ana ali rākachitheia Prohowui vang apam chili hanphut akha sai.

HAOKAPHOK 12:8

Chiwui thili Bethelwui zingshoshong khalei phungreishong vāda awui kachonshim vākhaningkai; chiwui zingtunshong Bethel, kala zingshoshong Ai lei; kala ana chili Proho wui vang hanphut akha sākhuida Prohowui mingli khoruma.

HAOKAPHOK 28:18

Jacobna ngathorthāk ngakarthuilaga ana khumkakui ngalung chi pākra̱ sāda shunlaga chiwuitungli thao heirora.

ISAIAH 19:19

Chithanghon Egypt ngaleiwui alungthungli Prohowui hanphut akha, chiwui ayarli Prohowui kathara pākra̱ akha leisāra.

JOSHUA 22:11

Israelwui mibingna chi kashā eina hānga, “Yanglu, Reuben, kala Gad kala Manasseh shang tangkhai mibingna Canaan ngaleiwui zimikshovāk Jordanli hanphut akha sakāhaira, apam chi Israelnaobingwui vākna.”

JOSHUA 22:9

Chieina Reubennaobing, Gadnaobing kala Manassehwui shang tangkhai athum shim hanunghaowa, Canaan ngaleiwui Shilohli khalei Israel mibingwui eina pakthuihaowa, Prohona Mosesli kaso kahai thāda athumna samphang kahai athumwui ngalei Gileadli hanunghaowa.