JOSHUA 21:44 - Kathara Bible (BSI)

⁴⁴ Kala Prohona athumwui avāva̱ ngarāli ngashit kahai athishurda athumli apam kachiva̱li ngasāmkhui ngasaka; yangkashe saikorawui eina akhanala athumli manganingkhamluimana; kaja yangkashebing saikora Prohona athumwui pāngli horsangmi.

JOSHUA 21:44 Iomraidhean Croise

2 THOTRINCHĀN 13:16

Israelpashi yāmhaida Varena Judahpashiwui pāngli horsangmi.

SHONGZĀ 23:31

Kala nathumwui thari Red Sea eina thuilaga Philistinewui ngayi vāshungda, kala lamhāng eina thuilaga Euphrates eina tangda sāra; kaja lam chiwui mibing nathumwui pāngli horsangmihaida nathumna kashamshokhaora.

SHONGZĀ 33:14

Kala ana hānga, “Iwui ngasokhamina nali ngayurzatra, kala ina nali ngasāmkhui ngasakra.”

ISAIAH 63:14

Leiwukli sha̱kei sei homkapam thada, Prohowui Manglāna athumli ngasāmkhui ngasaka, chithāda nawui mibingli nana thānzata, Nakhalatta nawui ming tekhamatei khavai.

KHALATLUI 2:36

Arnonwui kaphungpheili khalei Arer eina thuilaga, kala tampākli khalei keinung chiwui eina thuilaga Gilead eina tangda ithumwui vang keinung phākho juinahaowa kaji maleilakla yuihaowa; Proho ithumwui Varena ithumwui pāngli horsangmisera.

KHALATLUI 21:10

“Nathumna yangkashebingli rai ngararlaga, Proho nathumwui Varena nathumwui pāngli horsangmida, athumli tukkakhui tharan,

HEBREWNAO 4:9

Chiwui vang eina aruila, Varena sabbaththang ngasāmkakhui thada awui mibingla ngasāmkhui khavai lei.

JOSHUA 1:13

“Proho nathumwui Varena nathumli ngasām khavai apam akha ngarānmira, kala ngalei chi nathumli mira da Prohowui rao Mosesna nathumli kasoda hāngkahai tui chi phaningunglu.

JOSHUA 1:15

Prohona nathumli kala nachināngarāli mangasām ngasakranglakha eina tangda kala Prohona athumli mikahai ngalei chi athumna khuikahaiwui thili; nathumwui ngasā kahai ngaleili Jordan kankāda zingshoshong Prohowui rao Mosesna nathumli mikahai ngalei chili hanungda pānra.”

JOSHUA 1:5

Nawui mirin peida nawui mangāli khipānakha mangasungrarmara; ina Mosesli ngasokhami thāda nalila ngasomira; chieina ina nali machihomara kala mahorhaimara.

JOSHUA 11:12

Awungabing chiwui keinungbing, kala athumwui awungabing, Joshuana khuida, Prohowui rao Mosesna kakaso athishurda athum akhala mataila sāthatserhaowa.

JOSHUA 11:23

Chieina Prohona Mosesli kakaso athishurda, Joshuana ngalei katonga chi yuikhui; kala Joshuana Israelwui shimlui sākhavai shang-shangli yarmi, kala ngalei chi rai masāluila chingrihaowa.

JOSHUA 11:8

Kala Prohona athumli Israelwui pāngli sangmida athumli sāthata kala Kahaka Sidon eina Misrephoth-maim vāshungda kharomvai; kala zingshoshong Mizpeh tampāk vāshungda kharomvāda athum akhala mataila sāthatserhaowa.

JOSHUA 2:24

“Kachangkhat Prohona ngalei saikora chi ithumwui pāngli sangmihaira; kala chili lāngda chili kapāna mibing saikora ithumwui pongli shāda ngacheelak eina leili.”

JOSHUA 22:4

Ara Proho nathumwui Varena nathumwui achinā ngarāli ana ngashit kahai athishurda ngasāmkhui ngasakhaira; chiwui vang eina ara ngareikhuida Prohowui rao Mosesna nathumli Jordan kong lākhavāk mikahai ngalei nathumwui shim chili ungulu.

JOSHUA 22:9

Chieina Reubennaobing, Gadnaobing kala Manassehwui shang tangkhai athum shim hanunghaowa, Canaan ngaleiwui Shilohli khalei Israel mibingwui eina pakthuihaowa, Prohona Mosesli kaso kahai thāda athumna samphang kahai athumwui ngalei Gileadli hanunghaowa.

JOSHUA 23:1

Atam kasangkhawui thili Prohona Israelli kuimareida khalei yangkashebingwui eina ngasāmkhui khangasak tharan Joshuala rarhaida saryuihaowa,