JOSHUA 21:43 - Kathara Bible (BSI)

⁴³ Hithāda sāda Prohona athumwui avāva̱ ngarāli ngashit kahai athishurda ngalei saikora Israelnaoli mihaowa, kala chi athumwui shimlui ngasāda pamhaowa.

JOSHUA 21:43 Iomraidhean Croise

HAOKAPHOK 12:7

Chitharān Prohona Abramli rāchitheida hānga, “Nawui naotunbingli ina ngalei hi mira.” Chiwui vang ana ali rākachitheia Prohowui vang apam chili hanphut akha sai.

HAOKAPHOK 13:15

kaja nana kathei ram saikora hi ina nali kala nawui naotunbingli katang mavaila mira.

HAOKAPHOK 28:4

Ana nali kala nawui ara̱-azāli Abrahamwui sokhami miranu; chithāda Abrahamli Varena mikahai nana yaokazat ram chi nawui ngasāranu.”

2 THOTRINCHĀN 20:8

Athumna chili pamda namingwui vang kathara shimla hili sakāhaira, kala,

NEHEMIAH 9:24

Chieina ara̱-azāna apam chili vāda akhui kala athumwui mangāli leikasā Canaannaobingli nana yuingasaka, kala athum sākhangai chi sākhavai athumwui pāngli awungabingla, mibingla horsangmi.

NEHEMIAH 9:8

kala nawui miktāli awui ningkatong chi thei, kala Canaanwui, Hitwui, Amorwui, Perizwui, Jebuswui kala Girgashwui ngalei, awui ara̱-azāli mira da nana tuingashit sai; kala nawui ngashit kahai nana ungshung ngasaka, kaja na khamashung khangarongana.”

LAA 105:8

Awui tuingashit ana phaningungchinga, awui kaso kahahai tui thot thingthingwui vang,

LAA 44:3

kaja athum khalattawui raighai eina ram chi yuikakhui maningmana; athum khalattawui pāngthei einala yuikakhui maningmana; kha nawui yāpang pāngthei eina, kala namaiwui kahor chinana; kaja nana athumli ningyāngunga.

LAA 78:55

Ana miyur khangateibingli athumwui mangāli kashamihai, ana athumwui shimlui ngayarmi, kala Israelwui shangbingli athumwui kachonshimli chipama.

SHONGZĀ 3:8

Chieina athumli Egyptnaobingwui eina kanshok khavai, kala chiwui eina thānshokta seina̱ eina khuira̱ khalonga khamathā kala khamashā apam Canaannao, Hitnao, Amornao, Periznaobing, Hivnaobing, kala Jebusnaobingwui ngaleili thānvā khavai I katāna.

JEREMIAH 32:23

kala athumna zangda ngalei chi samphanga. Kha athumna nawui tui manganāmana kala nawui ainwui athishurdala mazatmana; nana athumli sālu kaji akhala masāmana. Chiwui vang eina, kalākashi saikora hi nana athumwuitungli tā khangasakna.

MISHĀN 33:53

kala nathumna chili shimlui khuida pamra, kaja ngalei chi ina nathumli shimlui sākhavai mihaira.

MISHĀN 34:2

Israelwui mibingli kasolu kala athumli hānglu, “Nathumna Canaan ngaleili kazang tharan (nathumna shimluikat sākhavai ngalei tongda samphangki kaji Canaan ngalei china),

KHALATLUI 11:31

Proho nathumwui Varena khami ngalei chi vākhui khavai nathumna Jordan kānvāki kajina. Kala nathumna chi samphangda chili akapān chitharan,

KHALATLUI 12:29

“Proho nathumwui Varena yur kateibingli nathumwui mangāli katatshok kahai chitharan kala nathumna athumwui ngalei chili vākasom tharan,

KHALATLUI 17:14

“Proho nathumwui Varena nathumli khami ngalei chili nathumna akapān tharan, nathumwui kuikhamareili khalei, ‘Yur kateiwui thāda ithumla ithumwui awunga leira’ jiakha,

KHALATLUI 34:4

Kala Prohona ali hānga, “Abrahamli, Isaac kala Jacobli, ‘ina nara̱ ngarāli mira’ da ngashit kahai ngalei chi hina. Ina nali namik eina yangkhui ngasakhaira, kha na chili kazang masamphangmara.”

JOSHUA 1:6

Pingmeida malung zangmeilu; kaja mibing hili mirada avāva̱ ngarāli ina ngashit kahai ngalei chi akhui khavai nana mibingli thānzangra.

JOSHUA 21:42

Keinungbing kachiva̱li kachichāwui ayar kuikhamareili seihomphung leisera; keinung saikora chithāserpapama.

WUNGVA̱-WUNGVĀ 11:24

Nathumwui vare Chemoshna nathumli khayar shimlui chi nathum maningchāngmala? Kala ithumwui Vare Prohona ithumli ngapaikhuikhami chi ithumwui sāshon sāthaira.

1 SAMUEL 12:8

Jacobna Egyptli khavā tharan Egyptnaobingna athumli rekhareka, chieina navāngarāna Proholi ngakaowa kala Prohona Moses eina Aaronli chihovāmi; kala anina navāngarali Egyptwui eina thānshokmida athumli apam hili pānkhangasakna.