JOSHUA 21:41 - Kathara Bible (BSI)

⁴¹ Israel mibingwui ngalei alungli Levibingna samkaphang keinungbing kala seihomphung eina ngasoda saikora keinung hangmatida chishatna.

JOSHUA 21:41 Iomraidhean Croise

HAOKAPHOK 49:7

Aniwui malungkhavātwui sākashi, malung kathuiwui zakkashi, khonkashi ngasāranu; ina anili Jacobwui shimkhurli ngayaryāngmihaora, kala Israelwui shimkhurli chaiyāngmihaora.

1 THOTRINCHĀN 6:64

Chithāda Israelwui mibingna Levi shangli keinungbing eina seihomphung ngasoda mi.

KHALATLUI 33:10

Athumna Jacobli nawui sharphahorbing tamchitheira; kala Israelli nawui ain tamchitheira; athumna nawui hanphuttungli nganamkaphā haimira, kala nawui hanphutli, tongtingda rikkatā chigat pha̱phayāra.

JOSHUA 21:3

Chieina Prohona kaso kahai chi Israelwui mibingna Levinaobingli athumwui shimluiwui eina keinungbing kala seihomphungbing hi mihaowa.

JOSHUA 21:40

Merariwui shimkhurbingwui keinungwui vang, chiya, Levibingwui shimkhur taihaida khaleibing, athumli yarkahai keinung saikora tharāda khanina.

JOSHUA 21:42

Keinungbing kachiva̱li kachichāwui ayar kuikhamareili seihomphung leisera; keinung saikora chithāserpapama.