JOSHUA 20:9 - Kathara Bible (BSI)

⁹ Keinungbing hi Israelwui mibing saikorawui vang, kala athumli ngasoda ram kazat saikorawui vangna, kaja kachikathāna makathei eina mi sathathaiakha, athumna keinungbing hili yāmsangra, chithāda sāda ana ali athut hāngsangki kajipāwui pāngli mathimara, kala yarui ashangva̱na ali bichar masāranglakha eina tangda, ana chili yāmngayinra.

JOSHUA 20:9 Iomraidhean Croise

MISHĀN 35:13

Kala nathumna miki kaji keinungbing chi nathumwui ngayin khavaiwui keinung tharukra.

MISHĀN 35:15

Keinung tharuk hi Israelnaobing, kha̱mibing, kala ngasokazatabingna ngayin khavai keinung sāra; kala matheila mi sakathata china chili yāmngayinra.”

JOSHUA 20:4

Sakathatana hikathā keinung akhali ayāmsangda zangkhavai ngaveili ranganingda, keinung chiwui khararnaobingli awui tuishot hāngchitheira; chiwui thili athumna ali keinungli khuizangda apam mira kala chili ali pamngasakra.

JOSHUA 20:6

Kala ali yarui ashangva̱ mangāli bichar sākhavai manganingranglakha eina tangda, kala sākathat atamli pāngmon kharei sākasā chi mathiranglakha eina tangda ana keinung chili pamra: chiwui thili ana yāmrā kahai keinung kala akhalattawui shimli latungpaira.”

JOSHUA 20:8

Kala Jordan makānda Jerichowui zingshoshong lamhāngwui kaphung khanganili khalei Reubenshi shangwui eina Bezer, Gadshi shangwui eina Gileadli khalei Ramoth, Manassehshi shangwui Bashanwui Golonbing hi kapangkhui.