JOSHUA 20:8 - Kathara Bible (BSI)

⁸ Kala Jordan makānda Jerichowui zingshoshong lamhāngwui kaphung khanganili khalei Reubenshi shangwui eina Bezer, Gadshi shangwui eina Gileadli khalei Ramoth, Manassehshi shangwui Bashanwui Golonbing hi kapangkhui.

JOSHUA 20:8 Iomraidhean Croise

1 WUNGNAOBING 22:6

Chieina Israelwui awungana marān shāmati sha̱kha hokhuida athumli hānga, “Ili Ramoth-gileadli rai sālu jikā, khānghaolu jikhala?” Athumna, “Sālu, Prohona awungawui pāngli horsangmira,” da hānga.

2 WUNGNAOBING 8:28

Ana Ahabwui nao Joramli ngasoda Syriawui awunga Hazaelli rai ngarar khavai Ramoth-gileadli vai, kala Joramli khamā za̱haowa.

1 THOTRINCHĀN 6:78

kala Jordan makānda Jerichowui zingshoshong khalei Reubenshangwui eina: khangaili khalei Bezer kala chiwui seihomphung, Jahzah kala chiwui seihomphung,

1 THOTRINCHĀN 6:80

Gad shangwui eina: Gileadli khalei Ramoth kala chiwui seihomphung, Mahanaim eina chiwui seihomphung,

KHALATLUI 3:10

kaphungli khalei keinung saikora, Gileadli khaleila, Bashanli khaleila, Salecah kala Edre-i shangshungda, Bashan awunga Ogwui wungram katonga ngapaikhui.

KHALATLUI 4:43

Reubenshiwui vang Bezer lamhāng, kala Gadshiwui Gileadli khalei Ramoth, kala Manassehshiwui vang Bashanli khalei Golan, keinung kathum hina.

JOSHUA 20:7

Chieina athumna Naphtaliwui kaphungramli khalei Galileewui Kadesh, kala Ephraim kaphungramwui Shechem, kala Judah kaphungramwui Kiriath-arba (chiya Hebron) hibing kapangkhui.

JOSHUA 20:9

Keinungbing hi Israelwui mibing saikorawui vang, kala athumli ngasoda ram kazat saikorawui vangna, kaja kachikathāna makathei eina mi sathathaiakha, athumna keinungbing hili yāmsangra, chithāda sāda ana ali athut hāngsangki kajipāwui pāngli mathimara, kala yarui ashangva̱na ali bichar masāranglakha eina tangda, ana chili yāmngayinra.

JOSHUA 21:27

Kala Levibingwui shimkhur Gershonbingli Manasseh shang tangkhaiwui eina keinung khuishokmi, Bashanli khalei mi sakathatana yāmngayin khavai keinung Golan eina chiwui seihomphung kala Be-eshterah eina chiwui seihomphung da keinung khanina;

JOSHUA 21:36

kala Reuben shangwui eina, Bezer eina chiwui seihomphung, Jahaz eina chiwui seihomphung,

JOSHUA 21:38

kala Gad shangwui eina Gileadli khalei mi sakathatana yāmngayin khavai keinung Ramoth eina chiwui seihomphung, Mahanaim eina chiwui seihomphung,