JOSHUA 20:3 - Kathara Bible (BSI)

³ chieina kachikathāna matheila, lah matheithangmeila mi sathathaiakha chili yāmngayinra; katheshina athut khuikhavai raakha nathumwui vang yāmngayin khavaina.

JOSHUA 20:3 Iomraidhean Croise

2 SAMUEL 14:11

Preiva̱ china hānga, “Athut khuiki kajibingna ashee matāngasakranu, kala inaomayarali masāthatranu, awungana nawui Proho Vareli kapomilu da kapona.” Ana hānga, “Prohowui ming singda kahāngna, nanao mayarawui kuisam akha eina tangda machatmara.”

PĀNGMONSHI 4:2

Israelnaobingli hānglu, Prohona masāpaimara da kaso kahaiwui ngachaili kachikathāna matheimada akha sahaiakha,

MISHĀN 35:12

Keinungbing chili athut khuiki kajibingwui eina yāmngayin khavai pamna, kaja yarui ashangva̱ mangāli bicharwui vang makānganingranglakha eina tangda mi shaokathata chi mathiaranu.

MISHĀN 35:19

Asheewui athut hāngsangki kajipana ali samkaphang tharan alila shaothatra.”

MISHĀN 35:22

“Kha kachikathā yangkashi maningla matheimada kashuirak eina pharthathaiakha, lah marimla yapthathaiakha,

HEBREWNAO 6:18

Chili khamataia khani lei, chiya mangacheipaiki kaji kala Varena maningmana majiki kaji china. Chieina awuili ningkhalum samphang kahai ithumwui vanga ithumwui mangāli haimi kahai kachihān chili singtit khavai panglāk eina kasatmiya.

JOSHUA 20:2

Israelwui mibingli hānglu, “Ina Mosesli hāngkahai thāda ngayin khavai keinungbing kapangkhuilu,

JOSHUA 20:4

Sakathatana hikathā keinung akhali ayāmsangda zangkhavai ngaveili ranganingda, keinung chiwui khararnaobingli awui tuishot hāngchitheira; chiwui thili athumna ali keinungli khuizangda apam mira kala chili ali pamngasakra.