JOSHUA 2:3 - Kathara Bible (BSI)

³ Chieina Jerichowui awungana Rahabwuili mi chihovāda hānga, “Nawui shimli rākazanga mi chi khuishoklu, kaja athumna ngalei saikora hi phāshok khavai kharāna.”

JOSHUA 2:3 Iomraidhean Croise

HAOKAPHOK 38:24

Kachāng kathumsha̱khawui thili “Narihāva̱ Tamar khayorva̱ sāda nao vaihaira” kaji Judahli hānghaowa. Chieina Judahna, “Ali ayarli shimenshoklu, kala mei eina thotthathaolu.” da hānga.

HAOKAPHOK 42:31

Kha ithumna ali hānga, ‘Ithuma ningkathar mina, ithum ra̱khayangabing maningmana;

2 SAMUEL 10:3

Kha Ammonwui wungnaobingna Hanunli hānga, “Davidna navāli khayākashiwui vang ninglum ngasak khavai nali mi chihokharāna da phaningla? Keinung hi phākhuida ra̱yang khavai kala ngalei khuikhavai Davidna awui raoli kachiho maningmala?”

2 SAMUEL 17:20

Absalomwui raobing china shimli kharā tharan preiva̱ chili, “Ahima-az eina Jonathan kachili lei?” da ngahāna. Kala preiva̱ china, “Kong kānhaira” jihaowa. Athumna ngahānlaga maphākhuirarthuda Jerusalemli latunghaowa.

1 THOTRINCHĀN 19:3

Kha Ammonwui wungnaobingna Hanunli hānga, “Hāngphanep khavai Davidna mi chihokharā hi navāli khayākashina da phaningla? Nawui ngalei ngapaikhui khavai rairui chihokharā maningmala?”

JOBWUI LAIRIK 21:30

kaja makhayābingli unshimui atamli huikhui, kala malungkathui atamli kankhui kaji?

PĀNGMONSHI 24:14

“Khonkashi mi chili rāmrahlungwui eina ayarli khuishoklu, kala kashā mi saikorana akuili pāng rāparranu, kala mi katongana ngalung eina ali horthathaolu.

JOHN 19:4

Pilatena kayāngli shokluishitta yaruili hānga, “Awuili ina khayon khikha masamphangmana da nathumna theikhavai ina ali hili khuishokta lei.”

OTSAK 12:4

Ali tukkhuida phātopli sanghailaga shipai matitina kānglup kasema kānglup matili shantri sākhavai athumwui pāngli horsangmi. Herodna ali Makānkhami phanitwui thili yaruili khuishoklaga bichar sākhavai ngarānhai.

OTSAK 12:6

Herodna yaruiwui mangāli khuishoklaga bichar sāra jithang ngayā, Peterli marikhānghui khani eina khalaplaga shantri khaniwui ngachaili chipethai, kala shantribingna phātop khamongli mayonpama.

JOSHUA 10:23

Kala athumna chithāda sai, kala Hebron, Jamuth, Lachish kala Eglonwui awungabingli akhuishoka.

JOSHUA 2:2

Kala Jericho awungali hithāda hānghaowa, “Yanglu, Israelwui mi kachikathā ngalei hi yangkhui khavai aja ngayā hili rāhaira.”

JOSHUA 2:4

Kha sha̱nao china mi khani chi thumhaida hānga, “Mashunga, mibing iwuili rai; kha athum kaji eina kharākhala da ina matheimana;

WUNGVA̱-WUNGVĀ 4:20

Kala Siserana ali hānga, “Kachonshimwui khāmongli nganinglu, laga kalikha kachikathā mi rāda nali, ‘Khipākha leila?’ jiakha, maleimana jihaolu.”