JOSHUA 2:1 - Kathara Bible (BSI)

¹ Nunwui naomayara Joshuana ngathumda Shittimwui eina vāra̱yang khavai mi khani chihoda hānga, “Ngalei chi, matailak eina Jericho chi ayangkhuilu.” Chieina anina vāda Rahab kaho khayorva̱wui shimli vāzanga, kala chili ngasāmkhui.

JOSHUA 2:1 Iomraidhean Croise

HAOKAPHOK 42:16

Nathumwui ngachaili akhana paisholi unghokhuilu, kateibingna phātopli pamsāra. Pharaohwui ming singda kahāngna, nathum ra̱khayanga mi maningmana jiakha kala nathumwui tui chi mashungakha hi eina theikhuira.”

HAOKAPHOK 42:9

Kala athumwui pongli ali kashiman mang chi Josephna phaningunga; kala ana athumli hānga, “Nathum ra̱khayangbingna, apam hiwui khangazan yangkhui khavai kharāna.”

MICAH 6:5

O iwui mibing, Moabwui awunga Balakna khiwor sākhala kaji; kala Beorwui naomayara Balaamna ali khi ngahānkā; kala Shittimwui eina Gilgal khavāli khi shokkhala kaji phaningunglu; chieina nathumna Prohowui huikhami otsak chi theipaira.”

MISHĀN 13:1

Prohona Mosesli hānga,

MISHĀN 13:2

“Ina Israelwui mibingli miki kaji ngalei chi vāra̱yang khavai mi chihovālu; avāva̱ ngarāwui shang-shang eina kathāna ava̱va̱ chiholu.”

MISHĀN 25:1

Israelna Shittimli leilakha mibingna Moabwui naongalāva̱ khayorabingli khangasowui otsakli zanga.

MISHĀN 33:49

Athumna Jordanli rāmrah sākapam chi Beth-jeshimoth eina thuilaga Moab tampākli khalei Abelshittim shangshunga.

MATTHEW 1:5

Salmon preiva̱ Rahabna Boazli, Boaz preiva̱ Rutna Obedli, Obedna Jesseli pharai.

MATTHEW 10:16

“Nganālu! Ina nathumli ramfawui ngachaili yao thada kachihona. Chiwui vang eina nathumna phara̱wui thada themlu kala nāsha̱wui khanim thada nimlu.

EPHESIANAO 5:5

Shāmkasā, makathara, kākharāma (kākharām hi meoma̱li khokharum kathāna) mi china Varewui kala Khristawui wungramli kachilikha shimlui makāpaimana.

HEBREWNAO 11:31

Shitkasang mangā eina khayorva̱ Rahabna Vareli ngakai kashebingli ngasoda kathili mazangmana, kaja ana rairui kazata khanili zunkhui ngasaka.

JAMES 2:25

Chithada sāda khayorva̱ Rahablila Jehudiwui rairui kazatbingli rāzang ngasaklaga shongfa khangatei eina shiunkhamiwui vang awui otsak eina mamashungkhui ngasakmala?

JOSHUA 1:18

Nawui ningkhamili ngakaikashe, kala nana kakasosoli nawui tui makhanganā mi chili shaothatra. Pingmeida kala malung zangmeida sāmalu.”

JOSHUA 2:2

Kala Jericho awungali hithāda hānghaowa, “Yanglu, Israelwui mi kachikathā ngalei hi yangkhui khavai aja ngayā hili rāhaira.”

JOSHUA 21:31

Helkath eina chiwui seihomphung, kala Rehob eina chiwui seihomphung da keinung matina;

JOSHUA 3:1

Ngathorthakva Joshuana ngakarthuida Israelwui mi saikorali thānphungda Shittimwui eina zatphokuwa kala athum Jordan makānranglakha kongpheili vāngasāma.

JOSHUA 5:10

Israelwui mibingna Gilgalli pamlakha kachāng chiwui tharāda khamatethang ngazin Jerichowui tampākli makānkhami phanit mayona.

WUNGVA̱-WUNGVĀ 1:23

Kala Josephwui shimkhurna Bethelli ara̱yang khavai (khareli apam chili Luz hosai) chihovai.

WUNGVA̱-WUNGVĀ 18:14

Chieina rida Laishli ngathumda akhayanga athum phangā china achinābingli hānga, “Nathum shim hili ephod, teraphim, chankakhui mima, heikakhui meoma̱ khalei chi theila? Chieina khi saakha phārakhala kaji machuklu?”

WUNGVA̱-WUNGVĀ 18:17

kala pāngmon china raimi shātharukli ngasoda ngaveipamli leilakha, rida ara̱khayanga athum phangā china alungli zanglaga ephod, teraphim, chankakhui mima, heikakhui meoma̱ chi zangkhui.

WUNGVA̱-WUNGVĀ 18:2

Chiwui vang shang katonga Zorah kala Esta-olwui zangda kapingpinga mi phangā kapangkhuilaga ngathumda lam vāra̱yang khavai chihoi, kala athumli hithāda hānga, “Lam chi mathāda ayangkhuilu.” Kala athumna Ephraim kaphungramli vāda Micahwui shimli azanga.