JOSHUA 19:28 - Kathara Bible (BSI)

²⁸ Ebron, Rehob, Hammon, Kanah, kala Khareiya Sidon tāshunga.

JOSHUA 19:28 Iomraidhean Croise

HAOKAPHOK 10:19

Kala Canaannaobingwui ram Gerarwui Sidon eina thuilaga Gaza vāshung kala Sodomshong Gomorrah, Admah, kala Zeboiim, Lasha eina tangda vāshunga.

2 SAMUEL 24:6

Chiwui thili athumna Gileadli vālaga Hit ngalei Kadeshli vamamānda Danli vāshunga, kala Danwui eina Sidon kuikhui,

2 SAMUEL 24:7

chiwui eina Tyrewui raipanshong vālaga Hivnaobing Canaannaobingwui keinung shānkhuiserlaga Beer-shebali khalei Judahwui Negebli vai.

ISAIAH 23:12

Kala ana hānga: “Na khayuiwui ringkaphā maleiluimara, O singkhareng kahaia, Sidonwui kachingva̱ naongalava̱; ngakarthuilu, Cyprus kānvalu, chieina tangdalila tāphup kahai masamphangmara.”

ISAIAH 23:2

Chingrihailu, O ngayipheili kapambing, O Sidonwui leihkhalonbing; nathumwui paophungmebing shamadru kānda

ISAIAH 23:4

Vaishilu, O Sidon, kaja shamadruna hānghaira, kathuka shamadru china hānga, “I nao khara̱la, kapharāla maleilakmana, I nao mayarnaola kala kachingva̱ sha̱naobingla manganaokāmana”

EZEKIEL 28:21

“Miwui naomayara, Sidonshong ngareivāda makhamayā tui marānlu,

JOHN 2:1

Kakathumathang Galileeli khalei keinung Canali ngalā shakazā akha leisai, kala Jishuwui ava̱la chili leisai.

JOHN 2:11

Jishuna matakhak kahai sakhare chi Galileeli khalei Canali sai, apam chili awui tekhamatei ana phongshoka kala awui sākhangatha̱bingna ali shitsanga.

JOHN 4:46

Chiwui thili Jishuna Galileeli khalei Cana, tara̱ eina drakhāra̱ onkhangasakpam chili latunga. Chitharan Capernaumli akhavā akhawui nao kazāda leisai.

OTSAK 27:3

Akhama kathā ithumna Sidonli vāshunga. Juliusna Paulli phaningmida awui ngasotnaobinglila vāyang ngasaka kala khangachonla khuingasaka.

JOSHUA 11:8

Kala Prohona athumli Israelwui pāngli sangmida athumli sāthata kala Kahaka Sidon eina Misrephoth-maim vāshungda kharomvai; kala zingshoshong Mizpeh tampāk vāshungda kharomvāda athum akhala mataila sāthatserhaowa.

JOSHUA 21:31

Helkath eina chiwui seihomphung, kala Rehob eina chiwui seihomphung da keinung matina;

WUNGVA̱-WUNGVĀ 1:31

Asherna Accowui mibing, lah Sidonwui mibing, lah Ahlabwui mibing, lah Achzibwui mibing, lah Helbahwui mibing, lah Aphikwui mibing, lah Rehobwui mibingli makashamana;

WUNGVA̱-WUNGVĀ 18:28

Kala Sidonwui mibingla tanāhaida marākanrarthuwa, kala khangatei khipālikha khangashik maleisāthuwa. Hi Beth-rehobwui tampākli kashokna. Kala athumna keinung chi sakāluishitta chili somhaowa.