JOSHUA 19:22 - Kathara Bible (BSI)

²² Thari chi Tabor, Shahazumah, kala Beth-shemesh, hibing vāza̱da Jordan eina tanga—athumwui kha̱bing eina ngasoda keinung tharāda tharukna.

JOSHUA 19:22 Iomraidhean Croise

1 WUNGNAOBING 4:9

Makazwui Ben-deker, Sha-albim, Bethshemesh eina Elonbeth-hanan;

1 THOTRINCHĀN 6:62

Issachar, Asher, Naphtali, kala Bashanli khalei Manassehwui eina Gershom shimkhurbingwui athishurda yartākhami keinung tharāda kathumna.

1 THOTRINCHĀN 6:77

Merari shangwui makhangarinbingli yartākhami: Zebulun shangwui eina Rimmono kala chiwui seihomphung, Tabor kala chiwui seihomphung,

LAA 89:12

Atungshongla, azingshongla, nana sākhuisera, Tabor eina Harmonna mathānlak eina namingli sochikatli.

JEREMIAH 46:18

Ina katheina, da saikorawui Proho kaho awungana hānga; phungreitungli Tabor kathā, shamadrupheili Carmel kathā, akha rāra.

JOSHUA 19:12

Sarid eina haophoklaga lakkashong zingshovāk zimik shokkhavaishong Chisloth-taborwui thari vāshunga; chiwui eina Daberath vai, chiwui thili Japhia shangshunga;

JOSHUA 19:21

Remeth, En-gannim, En-haddah, Beth-pazzez hibing zanga;

JOSHUA 19:23

Hi Issachar shangli athumwui shimkhurwui athishurda mikahai athumwui kha̱bing zangda keinungbing china.

JOSHUA 19:38

Yiron, Migtal-el, Horem, Beth-anath kala Beth-shemesh—athumwui kha̱bing eina ngasoda keinung tharāda chikona.

JOSHUA 21:16

Ain eina chiwui seihomphung, Juttah eina chiwui seihomphung, Beth-shemesh eina chiwui seihomphung da keinung chiko hi shang khaniwui eina khuishokmi;

WUNGVA̱-WUNGVĀ 4:12

Abino-amwui naomayara Barakna Tabor Kaphungli kāhaira kaji Siserali rākahāng eina,

WUNGVA̱-WUNGVĀ 4:6

Ana Naphtaliwui Kedeshli khalei Abino-amwui naomayara Barakli chihaovai, kala ali hānga, “Proho, Israelwui Varena nali kasoli, ‘Vālu Naphtali shang eina Zebulun shangwui mi thingtharā Tabor Kaphungli kazipkhuilu.