JOSHUA 18:3 - Kathara Bible (BSI)

³ Chieina Joshuana Israelwui mibingli hānga, “Navā ngarāwui Proho Varena nathumli mikahai ngalei chi mavākhuila nathum karankha ngapaipamra̱khala?

JOSHUA 18:3 Iomraidhean Croise

CHĀNSAM 10:4

Pāng makhangarapna chāmngasaka, kha khamakhunawui pāngna shāngngasaka.

CHĀNSAM 13:4

Chāngshewui ningna ningchāngphāphai kha khikha masamphangmana; chitharab khamakhunawui manglāli kachungkha ngarumsangmi.

CHĀNSAM 15:19

Chāngshewui shongfa ka̱shatna pukrorhaowa, kha khamashungawui apong shongfa ashatva̱na.

HĀSHOKME 9:10

Nawui pāngna sākhavai khalei kachiva̱ nawui yāng eina sālu; kaja nana vāki kajipam Kathewui ram chili ot kasāla, chukhamajala, theithangkhameila, aworla maleimana.

ZEPHANIAH 3:16

Chithanghon Jerusalemli hāngra: “Mangacheelu, O Zion; nawui pāng mangazan ngasakalu.

MATTHEW 20:6

Kala pung phangā maikhali khavā eina mi kaikha nganingzatkasā chi theida hānga, ‘Chāngnārem eina khisāda nganingpamshonlikhala?’

JOHN 6:27

Shimānki kaji kashakazāwui vang ngalang mazāralu, kha miwui Naomayarana nathumli miki kaji katang makhavai kharinga kashakazāwui vang ngalangzarlu, kachiwui vangkhala kaja Varena awui mayākhamiwui mahor ali nammihaira.”

JOSHUA 1:6

Pingmeida malung zangmeilu; kaja mibing hili mirada avāva̱ ngarāli ina ngashit kahai ngalei chi akhui khavai nana mibingli thānzangra.

JOSHUA 13:1

Chitharan Joshua sarshunhaoda; Prohona ali hānga, “Na ara rarhaira, kha khuifaki kaji ngalei kachungkha leifaya.

JOSHUA 18:2

Israel mibingwui ngachaili athum shang shinili shimlui mangayarmirangsai.

JOSHUA 18:4

Shang kachiva̱wui eina mi kathumrip kapangshokmilu, kala ina athumli chihovāda athumna apam saikora yangkhuida kachichāna khuikhangai apam chi kapikhuilu, laga iwuili ralu.

WUNGVA̱-WUNGVĀ 18:9

Athumna ngahānkai, “Ngakarthuilu, kala ithum vāda vāngararusa, kaja ithumna ngalei chi theihaira, ngalei chi tumlaka. Chieina nathum khikha masāmarala? Mahuinganaoasa, vālaga ngalei chi akhui khavai sāsa.