JOSHUA 18:28 - Kathara Bible (BSI)

²⁸ Zela, Ha-eleph, Jebus (chiya Jerusalem), Gibe-ah kala Kiriath-jearim; athumwui kha̱bing eina ngasoda keinung tharāda matina. Hi Benjamin shangli athumwui shimkhurwui athishurda yarkahai shimluina.

JOSHUA 18:28 Iomraidhean Croise

2 SAMUEL 21:14

Kala awungana kakaso athishurda, Saul eina Jonathanwui ara̱kui, Benjaminli khalei Zela kaho apamli, avāva̱ Kishwui chikhurli chifahaowa. Chiwui thili ngalei chiwui kapo chi Varena khuisangmihaowa.

2 SAMUEL 23:29

Baanahwui naomayara, Heleb, Benjaminshang Gibe-ahpa Ribaiwui naomayara Ittai,

2 SAMUEL 5:6

Awunga eina awui mibingna Jerusalemli khalei Jebusnaobingli ngarar khavai vai; chili kapambingna, Davidli, “Na hili marāzangthukmara” da kaphaningwui vang, “Nana hili marāzangrarmara, pheikatek mik khangapeobingnala nali kashamshapra” da hānga.

2 SAMUEL 5:8

Kala chithang Davidna hānga, “Kachikathāna Jebusnaobingli sāthatra jiakha, ana tara̱khur chieina katā Davidna yangkharingmeikap kaji pheikatek, mik khangapeobingli kāngararranu.” Chiwui vang eina “Khangapeobing, katekbing china shimli kazang masamphangmara” da kahāngna.

1 THOTRINCHĀN 8:28

Hibing hi thot-thotwui athishurda shang-shangwui kathānabingna. Athumna Jerusalemli pamsai.

ISAIAH 10:29

Athumna makān khavai chi kānhaira, Gebali thang ngayākhawui vang ngasāma; Ramahna nganuka, Saulwui Gibeah yāmhaira.

JEREMIAH 6:1

O Benjaminwui mibing, kalāmashi khavai Jerusalemwui eina yāmulu! Tekoali talla̱ khonglu, Beth-haccheremli khamachut akha khāngkālu; kaja atungshongwui eina makaphā shimān khangasak akha rapurhaira.

HOSEA 10:9

Gibeahwui atam eina thuilaga na morei sāhaira; O Israel; athumna sāchingda lei. Gibeahli raina athumli mangaphanrarmarala?

MISHĀN 26:38

Athum shimkhurbingwui athishurda Benjaminwui naomayarabing: Belawui eina, Belanaobingwui shimkhur; Ashbelwui eina, Ashbelnaobingwui shimkhur; Ahiramwui eina, Ahiramnaobingwui shimkhur;

MISHĀN 26:54

Hakkhamei shangli nana hakkhamei shimlui milu, kala teokhamei shangli teomeida milu; shang kachiva̱li mashingwui athishurda shimlui ngarin ngasaklu.

MISHĀN 33:54

Nathumna shangwui athishurda kalā yanglaga ngalei chi khuira; shang kateona teoda kala shang kahakana hakta samphangra; kalā yanglaga kashok chi mi chipawui sāra, navā ngarāwui shimkhur athishurda shangbing china ngalei chi khuira.

JOSHUA 15:63

Kha Jebusbingli Judahbingna Jerusalem eina makashamshokrarthuwa; chieina Jebusbing Judahbingli ngasoda aja eina tangda Jerusalemli pamda lei.

JOSHUA 15:8

chieina thari chi Jebus mibingwui ngalei (chiya, Jerusalem) chiwui azingshong khalei Hinnomwui naomayarawui tampāk shanga, kala zingtunshong Hinnom tampākli yangkhangasung kaphungton kāshunga, hina atungshong vākatanga Rephaimwui tampāk akatangna;

JOSHUA 18:16

chiwui thili thari chi Rephaim tampāk atungvāk shangkachata Hinnom naomayarawui tampākli yangkazanga kaphungphei chi tai, laga chiwui eina Jebusnaobingwui kaphung arāp Hinnom tālaga En-rogelvāk tai;

JOSHUA 18:27

Rekem, Irpeel, Taralah,

JOSHUA 19:1

Ka̱lā kakhane chi Simeonwui vang shokta, Simeonwui shangli athumwui shimkhurwui athishurda yara, kala shimlui chi Judah shangwui ngalei alungthungli zanga.

WUNGVA̱-WUNGVĀ 1:21

Kha Jerusalemli pamkasā Jebusnaobingli Benjaminwui mibingna makashamana; chiwui vang eina aja rāshungda Jerusalemli Jebusnaobing eina Benjaminwui mibing pamrumda lei.

WUNGVA̱-WUNGVĀ 19:10

Kha mipa china mapisangmara jihaoda zathaowa, kala Jebusli (chiya Jerusalem) kāroda khalei pam chili vāshunghaowa. Awui gadhā khani kala awui angashirva̱ zangda ali ngasozatsai.

1 SAMUEL 10:26

Saulla aram Gibe-ahli unghaowa, kala Varena ningli sāzamida rai kapingbingla ali ngasounga.