JOSHUA 18:12 - Kathara Bible (BSI)

¹² Atungshong ashiwui thari Jordan eina haophoka; chiwui eina thuilaga Jericho kaphung arāp shangshumda zingtunvāk khalei kaphungram shanglaga, Beth-aven lamhāng atanga.

JOSHUA 18:12 Iomraidhean Croise

HOSEA 10:5

Samariali kapama mibingna Bethavenwui seinaowui vang kathira. Chiwui mibingna chiwui vang chapra, kala meoma̱li khokharuma pāngmonbingna chapngachāra, pākthui kahai tekhamatei chiwui vang.

HOSEA 4:15

Nana khayorwui ot sālala, O Israel, Judahli mayon ngasakalu. Gilgalli mazangalu, Beth-avenlila mavaalu, “Kharinga Prohowui ming singda kahāngna” da mamingzaialu.

HOSEA 5:8

Talla̱ khonglu, Gibeahli, Ramahli khonglu. Ngashar khavaikhon Bethavenli khonglu; kathirlu, O Benjamin!

JOSHUA 16:1

Josephwui ara̱-azāli khayar shimlui chi Jericho ngalemli khalei Jordan eina haophokta Jerichowui tara̱ khalei zingshoshong lamhāng vāshunga, kala Jericho eina shanglaga Bethelwui kaphungram shangshunga;

JOSHUA 18:11

Ka̱lā yanglaga Benjamin shangwui vang da shimkhurwui athishurda khayar shimlui chi Judah eina Joseph shangli mikahai chiwui ngachaili ungtai.

JOSHUA 2:1

Nunwui naomayara Joshuana ngathumda Shittimwui eina vāra̱yang khavai mi khani chihoda hānga, “Ngalei chi, matailak eina Jericho chi ayangkhuilu.” Chieina anina vāda Rahab kaho khayorva̱wui shimli vāzanga, kala chili ngasāmkhui.

JOSHUA 3:16

atungshong eina longkatā tara̱ chi khāmhaowa kala chiwui juikakā china atungshong longshangda Zarethan ngalemli khalei Adam keinung shangshunga kala azingshong Salt Sea eina Arabah shamadrushong longkatā chi katatshathaowa; kala mibingna Jericholi yangngasungda kankāhaowa.

JOSHUA 6:1

Chitharan Israelwui mibingli ngacheehaida Jericho ngavei phākho ayarshongwui eina kala alungshongwui eina shungtithaowa; khipākhala kashok-kazang maleimana.

JOSHUA 7:2

Joshuana Jerichowui eina Bethelwui zingshovāk Betha-ven ngalemli khalei Ai chili mibingli chihovāda hānga, “Ngalei chili vālaga ara̱yanglu.” Chieina mibing china vālaga Ai ayangkui.

JOSHUA 8:15

Kala Joshua eina Israelwui mibing saikora athumwui mangāli makhayui thāda lamhāngvāk yāmvā khaninghaowa.

1 SAMUEL 13:5

Kala Philistinenaobingna Israelli ngarar khavai siguigari thingthumra, sigui katonga raimi thingtharuk, kala raimi shamadruwui situiyakha kazipkhui; kala Beth-avanwui zingshoshong Michmashli rairum asai.