JOSHUA 17:7 - Kathara Bible (BSI)

⁷ Manassehwui leiret hi Shechemwui zingshoshong Asher eina thuida Mich-methath tāshunga; kala thari chi azingvāk tāshungda En-tappuahwui mibing pamkhavaili tātanga.

JOSHUA 17:7 Iomraidhean Croise

HAOKAPHOK 34:2

kala Hivpa Hamorwui naomayara Shechem, ram chiwui wungnao china Dinahli kathei eina shimenkhuida ngasopimihailaga maishi ngasaka.

HAOKAPHOK 37:12

Chitharān achinā ngarā Shechem ngalemli avāva̱wui sei ahompamhaowa.

HAOKAPHOK 37:14

Chieina avāva̱na hānga, “Vālaga nachinā ngarā kala sei ashangva̱ kathalikhala kaji ili pao unghāngluishitlu.” Chieina ali Hebron tampākwui eina chihoda ana Shechemli vāshunga.

1 WUNGNAOBING 12:1

Rehoboamna Shechemli vai, kaja Israel saikorana ali awunga sangkhavai Shechemli vāserhaowa.

1 WUNGNAOBING 12:25

Chiwui thili Ephraim kaphungramli khalei Shechemli Jeroboamna raipan sākhuida chili pama; chiwui eina Penuel vāsākai.

1 THOTRINCHĀN 6:67

Athumli yāmngayin khavaiwui vang khami keinungbing chiya: Ephraim kaphungramli khalei Shechem kala chiwui seihomphung, Gezer eina chiwui seihomphung,

LAA 60:6

Varena awui katharapamwui eina hānghaira: “Mathānthup eina ina Shechem ngayarkhaira kala Succothwui tampāk ngayarshokra.

JOSHUA 17:6

khikhalajila Manasseh shimkhurli nao ngalāva̱bingla mayarnao thāda shimlui samphanga. Gilead ngalei chi Manassehwui katai shangli mihaowa.

JOSHUA 17:8

Tappuah ngalei Manassehwuina, kha Manassehwui tharili khalei Tappuahwui keinung chiya Ephraimwui naongarāwuili zanga.

JOSHUA 20:7

Chieina athumna Naphtaliwui kaphungramli khalei Galileewui Kadesh, kala Ephraim kaphungramwui Shechem, kala Judah kaphungramwui Kiriath-arba (chiya Hebron) hibing kapangkhui.

JOSHUA 21:21

Athumli mikahaibing chi mi sakathatana yāmngayin khavai Ephraim kaphungramli khalei keinung Shechem, kala chiwui seihomphung, Gezer eina chiwui seihomphung,

JOSHUA 24:1

Chiwui thili Joshuana Israel shang saikora Shechemli kazipkhui, kala ararbing, akuibing, bicharsamebing kala Israelwui otva̱bing, saikorali hokhui kala athumna Prohowui mangāli rākazipa.

JOSHUA 24:32

Josephwui ara̱kui Israelwui mibingna Egyptwui eina khuikashok chi Shechemwui ngalei akai akha Shechemwui avāva̱ Hamorwui naomayarabingwui eina Jacobna lupāsā shākha mida lokakhui chili chifahaowa; chi Josephwui ara̱-azāwui shimlui ngasahaowa.

WUNGVA̱-WUNGVĀ 9:1

Jerubbaalwui naomayara Abimelechna Shechemli vāda ava̱va̱wui theisā kala shimkhur katongali hānga,