JOSHUA 17:16 - Kathara Bible (BSI)

¹⁶ Josephwui shangna hānga, “Kaphung ram chi ithumwui vang mashapmana, chili lāngda tampāk hili somkapam Canaanwui mibing, kaja Beth-seanwui luinganaibing kala Jezreel tampākli kapambing mariwui siguigari ngavāda lei.”

JOSHUA 17:16 Iomraidhean Croise

1 WUNGNAOBING 18:45

Kasha̱khawui alungli kazingram chi muiyā eina masina zikhaowa, kala kazing marlak eina rohaowa. Ahabna sigui tongphungda Jezreelli unghaowa,

1 WUNGNAOBING 18:46

Prohowui pāngna Elijahli ngasomida, awui shānneira̱ neikhuilaga Jezreel ungshungnanai Ahabli ungngaphankhui.

1 WUNGNAOBING 21:1

Chitharan Samariawui awunga Ahabwui keinung nganaili Jezreelpa Nabothna drakhā yāmgui akha leisai.

1 WUNGNAOBING 21:23

Kala Jezebelwui pongli Prohona hithādala hānga, ‘Jezreelwui alungli fana Jezebelli shaira.’

1 WUNGNAOBING 4:12

Taanach, Megiddo kala Jezreelwui azingshong khalei, Zarethan ngalemwui Beth-shean katonga, kaja Beth-shean eina thuilaga Abel-meholah eina Jokmeam lākhashong shangshungda Ahiludwui nao Baana;

2 WUNGNAOBING 9:10

Kala Jezreel ngaleili Jezebelli fana shaira kala ali khipānakha machifamara.’” Chiwui thili ana khāmong shoshoklaga yāmhaowa.

2 WUNGNAOBING 9:37

kala Jezebelwui angun chi Jezreelwui ngaleili pai thāhaida hi Jezebelna da khipānakha mahāngrarmara.’”

JEREMIAH 49:2

Chiwui vang eina yanglu, zimiksho chi rārali, chitharan ina Ammonnaobingwui Rabbahli ngasung khavai raivao shāngasakra da Prohona hānga, Apam hi ngachakyāng kahai kaphung ngasāthuihaora, kala kha̱wung saikora mei thottāmihaora; chitharan Israel ngapaikakhuia athumwui eina ngapaikhuiluira da Prohona hānga.

JOSHUA 15:56

Jezreel, Jokde-am, Zanoah,

JOSHUA 17:11

Issachar eina Asherlila Manassehwui lam Beth-shean eina chiwui kha̱bing zanga, kala Ibleam eina chiwui kha̱bing, kala Dorli kapambing eina kha̱bing, kala En-dorli kapanbing kala chiwui kha̱bing, kala Taanachli kapānbing kala chiwui kha̱bing, kala Megiddoli kapam mibing eina chiwui kha̱bing zanga, kala kakathumali Naphathna.

JOSHUA 17:15

Chieina Joshuana athumli hānga, “Nathum mi chungnahaida nathumwui vang Ephraim kaphung teonahaiakha, Perizbing kala Rephaimbingwui ngahong ngalei chi wutlaga nathum lui shangvālu.”

JOSHUA 17:17

Chieina Joshuana Josephwui shimkhur Ephraim eina Manassehli hānga, “Nathum mi kachungkhahaoda pangshapla khaleina; nathum shimlui yar akhamāng majimara,

JOSHUA 17:18

kha kaphungram chi nathumwui ngasāra, chi ngahonglala nathumna wutvāmamānda chiwui thari vākatang eina tangda nathum jipaira; khikhalajila Canaanwui mibingna mari siguigari ngavālala, rai pinglala nathumna athumli kashamshokphalungra.”

JOSHUA 19:18

Athumwui leiretli Jezreel, Chesulloth, Shunem,

WUNGVA̱-WUNGVĀ 1:19

Kala Prohona Judahli ngasomida ana kaphungram saikora vākhuisera, kha ana tampākli khaleibing, mariwui siguigari khangavāwui vang, athumli makashamrarthuwa.

WUNGVA̱-WUNGVĀ 4:13

Siserana awui mari eina kasā siguigari shāchiko, kala raimi saikora hokhuilaga Harosheth-ha-goiimwui eina Kishon kongli vai.

WUNGVA̱-WUNGVĀ 4:3

Chiwui thili Israelwui mibingna Proholi ngachon khavai ngakaowa; kaja awui mari eina kasā siguigari shāchiko leisai kala Israelwui mibingli sāshilak eina kum maga̱ rekhareksai.

WUNGVA̱-WUNGVĀ 6:33

Chiwui thili Midianaobing, Amaleknaobing kala zingshoshongwui mibing Jordan kānlaga Jezreel tampākli rairum rāsai.

1 SAMUEL 29:1

Chitharan Philistinewui raimi saikora Aphekli kaziphaowa; kala Israelwui mibing Jezreelwui ura̱pamli rairum sai.