JOSHUA 17:1 - Kathara Bible (BSI)

¹ Chiwui thili Manasseh shangli yarmi; kaja a Josephwui naochizaina. Manassehwui naochizai Machir, Gileadshāvāva̱li, Gilead eina Bashan yara, kaja ava rai kasā mina.

JOSHUA 17:1 Iomraidhean Croise

HAOKAPHOK 41:51

Josephwui naochizai naomayarali Manasseh hoi, kaja ana hānga, “Kaja iwui sipkasā kala ishāvāwui shimkhur saikora Varena malai ngasakhaowa.”

HAOKAPHOK 41:52

Kakhaneli Ephraim hoi, “Kaja kakhanang ramli Varena ili athei mathei ngasaka.”

HAOKAPHOK 46:20

Egyptli leilakha Josephwui nao Manasseh eina Ephraimli On pāngmon Potipherawui naongalāva̱ Asenathna pharai.

HAOKAPHOK 48:17

Avāva̱wui yāpang Ephraimwui kuitungli kapar chi theilaga Joseph maringphāthuwa; chieina avāva̱wui pāng chi khuilaga Ephraimwui eina Manassehwui kuitungli parkhavai sai.

HAOKAPHOK 48:18

Kala Josephna avāva̱li hānga, “Maningmana avā; kaja hipāna khararana, awui kuitungli nawui yāpāng parmilu.”

HAOKAPHOK 50:23

Anaomayara Ephraimwui naongarā, thot kathum eina tangda thei; kala Manassehwui naomayara Machirwui naongarā Josephwui makāli pharāsanga.

2 SAMUEL 2:9

kala ana Gilead, Ashur, Jezreel, Ephraim, Benjamin kala Israel saikorawui awunga sanghaowa.

1 THOTRINCHĀN 2:23

Kha Geshur eina Aramna, Havvoth-jair, Kenath kala chiwui kha̱bing zangda hangtharuk athumwui eina ngapaithuihaowa. Athum saikora hi Gileadwui avāva̱ Machirwui ara̱-azāna.

EZEKIEL 47:13

Proho VAREna hithāda hānga: “Israel shang tharāda khaniwui shimlui ngayarkhami chiwui thari hithāda sāra. Josephna akhum khani khuira.

EZEKIEL 48:4

Naphtalishiwuili ngasunkhuilaga, zingshowui eina thuida zingtun vāshungda, chi Manassehshiwuina.

MISHĀN 26:29

Manassehwui naomayarabing: Machirwui eina, Machirnaobingwui shimkhur; kala Machirna Gileadli pharai; Gileadwui eina, Gileadnaobingwui shimkhur.

MISHĀN 27:1

Chiwui thili Josephwui naongarā Manasseh shimkhurwui eina, Machirwui naomayara, Gileadwui naomayara, Hepherwui naomayara, Zelophehadwui naongalāva̱bingna rāhānga. Athum chiya: Mahalah, Noah, Hoglah, Milcah kala Tirzahna.

MISHĀN 32:33

Chieina Mosesna Gadwui naomayarabing eina Reubenwui naomayarabing kala Josephwui nao Manassehwui shang tangkhaili Amorwui awunga, Sihonwui wungram kala Bashanwui awunga, Ogwui wungram, keinungbing kala leiretbing eina ngasoda mihaowa.

KHALATLUI 21:17

kha ana maleikashe preiva̱na pharākhare nao chi yaronshaplakhawui nao sāthuda, awui khalei saikora khanishida chungmeida ali mira.”

JOSHUA 17:2

Kala Manasseh shangwui mi khangateili shimkhurwui eina mathang mathang Abi-ezer, Helek, Asri-el, Shechem, Hepher kala Shemidali ngayarmi. Hi Josephwui naomayara Manassehwui mayarnao ara̱-azā shimkhurwui athi chitunkatāna.

JOSHUA 22:7

Atam chitharan Manasseh shang tangkhaili Mosesna shimlui Bashanli mihairasai; kha khangatei tangkhaili Jordanwui zingtunvāk athum chinao ngarāwui ngalemli Joshuana mi. Kala Joshuana athumli kachichāwui shimli kashiun chitharan ana athumli somi,

WUNGVA̱-WUNGVĀ 5:14

Ephraimwui eina athumna tampākshong vai, Benjamin nali kala nawui mibingwui thishurda, Machirwui eina raithānabingna tai, kala Zebulunwui eina otva̱bingwui khāmshui singmebing rai.