JOSHUA 15:8 - Kathara Bible (BSI)

⁸ chieina thari chi Jebus mibingwui ngalei (chiya, Jerusalem) chiwui azingshong khalei Hinnomwui naomayarawui tampāk shanga, kala zingtunshong Hinnom tampākli yangkhangasung kaphungton kāshunga, hina atungshong vākatanga Rephaimwui tampāk akatangna;

JOSHUA 15:8 Iomraidhean Croise

2 SAMUEL 5:18

Chitharan Philistinenaobingna Rephaim tampāk puitinghaowa.

2 SAMUEL 5:22

Kala Philistinenaobingna rāluishitta Rephaim tampāk puitinghaowa.

2 WUNGNAOBING 23:10

Hinnomwui naomayara ngarāwui tampākli khalei Tophethla sākhamāngmihaida Molechli khipānakha naomayara kala ngalāva̱li kachigat sāda mariktā khavai sai.

1 THOTRINCHĀN 11:4

David eina Israel saikorana Jerusalemli vai, chiya Jebus, Jebusnaobingna pankhavai apamna.

2 THOTRINCHĀN 28:3

kala Prohona Israelwui mangāli, kasham kahai yurbingna sākasā ningkakachai otsak athishurda Hinnomwui naomayarawui tampākli nganamkaphā riktai, kala anaomayara ngarālila pha̱phayāda riktai.

NEHEMIAH 11:30

Zanoah, Adullam kala chiwui kha̱nganai, Lachish kala chiwui luipambingli, Azekah kala chiwui kha̱nganaili pama. Chiwui vang Beer-sheba eina thuilaga Hinnomwui tampāk peida rāmrah sāpama.

ISAIAH 17:5

Kala chi, mā kahātana nganingda khalei mārong kahāt thāda kala apāngna mā vamkasang thāda, kala Rephaimwui luili mātham kaphā thara.

JEREMIAH 19:14

Prohona marān khavai chihokhavāpam Tophethwui eina Jeremiahna latungda Prohowui shimwui kayāngli nganingda mi saikorali hānga:

JEREMIAH 19:2

Hinnomwui naomayarawui tampākli vāda Hamkāi Ngavei zangkhavai chili ina kahāng tui chi vaomalānlu.

JEREMIAH 19:6

Chiwui vang eina yanglu, da Prohona hānga, apam hili Topheth, maningakha Hinnomwui naowui tampāk maholuila Shaokathatwui tampāk hoki kaji atam rārāli.

JOSHUA 15:63

Kha Jebusbingli Judahbingna Jerusalem eina makashamshokrarthuwa; chieina Jebusbing Judahbingli ngasoda aja eina tangda Jerusalemli pamda lei.

JOSHUA 18:16

chiwui thili thari chi Rephaim tampāk atungvāk shangkachata Hinnom naomayarawui tampākli yangkazanga kaphungphei chi tai, laga chiwui eina Jebusnaobingwui kaphung arāp Hinnom tālaga En-rogelvāk tai;

JOSHUA 18:28

Zela, Ha-eleph, Jebus (chiya Jerusalem), Gibe-ah kala Kiriath-jearim; athumwui kha̱bing eina ngasoda keinung tharāda matina. Hi Benjamin shangli athumwui shimkhurwui athishurda yarkahai shimluina.

WUNGVA̱-WUNGVĀ 1:21

Kha Jerusalemli pamkasā Jebusnaobingli Benjaminwui mibingna makashamana; chiwui vang eina aja rāshungda Jerusalemli Jebusnaobing eina Benjaminwui mibing pamrumda lei.

WUNGVA̱-WUNGVĀ 1:8

Kala Judahwui mibingna Jerusalemli ngararda chi khui, kala raighai eina sāthatserhaowa, kala keinungla mei sa̱tamihaowa.

WUNGVA̱-WUNGVĀ 19:10

Kha mipa china mapisangmara jihaoda zathaowa, kala Jebusli (chiya Jerusalem) kāroda khalei pam chili vāshunghaowa. Awui gadhā khani kala awui angashirva̱ zangda ali ngasozatsai.