JOSHUA 15:7 - Kathara Bible (BSI)

⁷ kala thari chi Achor Valleywui eina Debir shanga, laga atungshong Gilgalvāk vākuikai, hi Adummim juikakāli yangngasungda tampāk chiwui azingshong lei; kala thari chi En-shemeshwui ra̱khong vāshunglaga En-rogel vāshunga;

JOSHUA 15:7 Iomraidhean Croise

2 SAMUEL 17:17

Chitharan Jonathan eina Ahima-azna En-rogelli ngaraisai; kaja ani keinungli kazang theipaishinada chili pamlaga rao sha̱nao akhana pao khuirāmi kala chi awungali anina chithāda ahāngmarona.

1 WUNGNAOBING 1:9

Yao, sei, asa khamathāthā sha̱kei khuida, En-rogel ngalemli khalei Phara̱ Lungguipamli Adonijahna pha̱phayai; kala ana achināngarā, awungawui naomayarabing, kala Judah wungnao akhava saikorali hoi,

ISAIAH 65:10

Sharon seihomphung ngasāra, kala Achor Leiwuk sha̱keibing ngayai khavaipam sāra, ili kapha iwui mibingwui vang.”

HOSEA 2:5

Athumwui ava̱va̱ khayorva̱̱wui otsak sai; athumli vaikakhuiva̱ chi khayākhamalā otmāng sai. Kaja ana hānga, “Ili kashakazā kala tara̱ khame, sāhah kala khamanak kashankachon khame, iwui thao, kala mangkhavai khamebing, iwui leikashebingli shurthura.”

JOSHUA 10:43

Chieina Joshuana Israel saikorali ngasoda Gilgal rāmrahli latunga.

JOSHUA 15:15

Chiwui eina Calebna Debirli kapamnaobingli shangngarara; Debir kaji hi khareli Kiriath-sepher hosai.

JOSHUA 15:6

kala thari chi Beth-hoglah shanglaga Beth-arabah atungshong vāshuma; kala Reubenwui naomayara Bohanna ngalung shun kahai ngalemli shanga;

JOSHUA 18:17

chiwui eina atungshong vāngareikhuida En-shemeshli shanga, chiwui eina Adummimwui shongshan yangkhangasung Geliloth shanga, kala chiwui eina Reubenwui naomayara Bohanwui ngalungpam tāzanga;

JOSHUA 4:19

Mibingna kachāng kharewui katharāthang Jordan kānda Jerichowui thari zingshoshong Gilgalli rāmrah asāpama.

JOSHUA 7:24

Chieina Joshua eina Israel saikorana Zerahwui naomayara Achanli, awui lupāsā, kachon, sinātang, kala awui naomayarabing eina naongalāva̱bing, kala awui seivā, kala gadhā, kala yao, kala awui kachonshim, kala awui khalalei saikora eina ngasoda athumna Achor tampākli khuishanga.

JOSHUA 7:26

Kala athumna awuitungli ngalung khorda wonrā sākahai chi aja eina tangda lei; hithāda Prohowui malungkhavāt suitāhaowa. Chieina apam chili aja eina tangda Achor Tampāk da hoi.