JOSHUA 15:17 - Kathara Bible (BSI)

¹⁷ Chieina Othni-el kaho Kenazwui naomayara, Calebwui agatona yuihaoda, ali anao ngalāva̱ Achsahli ngakum ngasakhaowa.

JOSHUA 15:17 Iomraidhean Croise

1 THOTRINCHĀN 2:49

Kala ana Madmannahwui avāva̱ Shaaphli pharai, Shevana Machbenah eina Gibe-ali pharai. Achsah Calebwui naongalāva̱na.

1 THOTRINCHĀN 27:15

Tharāda kakhane kachāngwui, tharāda kakhanewui kathāna chi Othni-elwui Netophathpa Heldaina; awuili mi thingmaga̱da matina.

1 THOTRINCHĀN 4:13

Kenazwui naomayarabing: Othni-el eina Seraiah; kala Othni-elwui naomayarabing: Hathath eina Meonothaina.

MISHĀN 32:12

Jephunnehwui naomayara Caleb eina Nunwui naomayara Joshua animāng zangra, kaja anina ili ningtongchaoda shura.’

JOSHUA 14:6

Chieina Gilgalli leilakha Judahwui mibingna Joshuali rāda; Keniz Jephunnehwui naomayara Calebna ali hānga, “Prohona Varewui mi Mosesli Kadesh-barneali leilakha iniwui pongli kahāng chi nana thei.

JOSHUA 15:16

Kala Calebna hānga, “Kachikathāna Kiriath-sepher hi yuikhuishapakha, ali ina inao ngalāva̱ Achsahli ngakum ngasakra.”

WUNGVA̱-WUNGVĀ 1:13

Kala Calebwui agato Kenazwui naomayara Othni-elna yuihaida ana ali anaongalāva̱ Achsah mihaowa,

WUNGVA̱-WUNGVĀ 3:11

Chiwui thili ngalei chi kum hangmati chingri eina leisai. Chiwui thili Kenazwui naomayara Othni-el thihaowa.

WUNGVA̱-WUNGVĀ 3:9

Kha Israelwui mibingna Proholi khangakao eina, Israel mibingwui kankhame akha, Calebwui agato Kenazwui nao Othni-elli shokngasakta ana athumli kankhuiya.