JOSHUA 15:13 - Kathara Bible (BSI)

¹³ Prohona Joshuali kakaso athishurda, Judahwui ngachaili Jephunnehwui naomayara Calebli Kiriath-arba, chiya, Hebron kaho apam hi mi (Arba hi Anakwui avāva̱na).

JOSHUA 15:13 Iomraidhean Croise

HAOKAPHOK 13:18

Chieina Abramna awui kachonshim khuiphungda zatlaga Hebronli khalei Mamrewui shirimthing ngalemli asoma; kala chili ana Proho wui vang hanphut akha sai.

HAOKAPHOK 23:2

Sarah Canaan ngaleili khalei Kiriath-arba (chiya Hebron) li thihaowa; kala Abrahamna Sarahwui vang wukkhanangda chapngachai.

2 SAMUEL 2:1

Hiwui thili Davidna Proholi, “Judahwui keinung khalaleili ina vāpairala?” da ngasana. Kala Prohona hānga, “Vālu.” Davidna, “Kachipāli vālu jikhala?” da khangahān eina, “Hebronli vālu” da ana hānga.

1 THOTRINCHĀN 6:56

ram chiwui keinung eina kha̱bing kala luibing chiya Jephunnehwui nao Calebli mihaowa.

2 THOTRINCHĀN 11:10

Zorah, Aijalon, kala Hebron, keinungbing hi Judah eina Benjaminwui ngaleili sākakāna.

MISHĀN 13:30

Kha Calebna Moseswui mangāli khalei mibingli chingrihai ngasakta hānga, “Ithum arui ngalāngda vāusa kala angapaikhuisa; kaja ithumna yuishaphalungra.”

MISHĀN 13:6

Judah shangwui eina Jephunnehwui naomayara Caleb;

JOSHUA 11:21

Kala Joshuana chitharan rāda Hebron, Debir, Anab, kala Judahwui kaphungram kala Israelwui kaphungramli khalei Anakimshi saikora manāthatserhaowa kala Joshuana athumli ngasoda athumwui keinungbing saikora shimānmihaowa.

JOSHUA 20:7

Chieina athumna Naphtaliwui kaphungramli khalei Galileewui Kadesh, kala Ephraim kaphungramwui Shechem, kala Judah kaphungramwui Kiriath-arba (chiya Hebron) hibing kapangkhui.

JOSHUA 21:11

Athumli Kiriath-arba (Arbana Anakwui avāva̱ ngasahaoda), chiya Hebron, Judahwui kaphungramli khalei chi kuimareida seihomphungwui vang mihaowa.

WUNGVA̱-WUNGVĀ 1:10

Kala Judahna Hebronli (Khare kachāng Kiriath-arba hokasa apam chili); Canaannaobingli angararda Sheshai kala Ahiman eina Tamaili yuihaowa.

WUNGVA̱-WUNGVĀ 1:20

Kala Mosesna hāngkahai thāda; Hebron Calebli mihaowa, kala ana Anakwui naomayara kathum chi chiwui eina kashamshokhaowa.

1 SAMUEL 25:3

Mi chiwui ming Nabal hoi, apreiva̱li Abigail hoi. Preiva̱ chi theithangmeilaka, azakla mathālaka; kha agaharava tamot eina achamla maphāmana; a Calebwui mina.

1 SAMUEL 30:14

Ithumna Negebwui Cherethbing, Judahwui pam, kala Calebwui Negebli rai atai, kala ithumna Ziklagla mei sa̱tāmihaira.”

1 SAMUEL 30:31

Hebronli, Davidli ngasoda awui mibingna khavā pam kachiva̱li ngayarmisera.