JOSHUA 15:11 - Kathara Bible (BSI)

¹¹ thari chi Ekron kaphungwui amai matungmeida shoklaga, Shikkeron vākuikhuilaga Baalah Kaphung ngalemli tai; kala Jabneelli shoka; chiwui eina thari chi shamadruli ungtanga.

JOSHUA 15:11 Iomraidhean Croise

2 WUNGNAOBING 1:16

kala ana hānga, “Prohona kahāngna, ‘Khikhalajila Ekronwui vare Baal-zebubli angahān khavai nana paome chihovai, ngahānkhui khavai Israelwui Vare makhaleiwui vangla? Chiwui vang eina nana kapi pet hiwui eina mangakarthuilui mara, kha na thiphalunghaora.’”

2 WUNGNAOBING 1:6

Athumna ali hānga, “Mi akha ithumli rāngarokta ana hānga, ‘Nathumli chihokharā awunga chili latungda hānglu; kaja Prohona kahāngna, Israelli Vare maleithuda Ekronwui vare Baal-zebubli angahānki kajila? Chiwui vang eina nana pikhavai pet chiwui eina mangakarthuiluimara; kha na thiphalunghaora.’ da hānga.”

2 THOTRINCHĀN 26:6

Ana Philistinenaobingli angarara, kala Gathwui, Jabnehwui, Ashdodwui phākhobing sākhaimiserhaowa; kala Ashdodwui apamli kala Philistinewui apam khangatateilila keinung sakai.

MISHĀN 34:6

“Zingtun thariwui vanga, Great Sea eina chiwui shamadrupheibing hi nathumwui zingtun tharina; hi nathumwui zingtun thari sāra.

JOSHUA 15:10

kala thari chi Baalahwui zingtunshong vākuikakhui chiwui eina Seir Kaphung chiwui eina vāshumda Jearim Kaphung (chiya, Chesalon) atungshong, chieina Beth-shemesh talaga Timnah ngalemli tāshunga;

JOSHUA 15:12

Kala zingtunshong Kahaka Ngayiwui eina shamadrupheibing thari sai. Hi Judah shangwui shimkhur athishurda yarkahai kuimareikakhui tharina.

JOSHUA 15:45

Ekron, kala chiwui keinungbing eina chiwui kha̱bing;

JOSHUA 15:9

chiwui thili thari chi kaphungton eina thuida Nephtoahwui Tara̱ ura̱pam vāshunga, kala chiwui eina Ephron Kaphungwui keinungbing vāshunga; kala Baalah (chiya Kiriath-jearim) vākuikhui;

WUNGVA̱-WUNGVĀ 1:18

Judahna Gaza kala chiwui leiretbing khui; Ashkelon kala chiwui leiretbing, Ekron kala chiwui leiretbingla khuiserhaowa.

1 SAMUEL 17:52

Kala Israel eina Judahwui mibingna athumli Gath vāshungda, kala Ekronwui ngavei vāshungda kharomvai; kala Sha-araim eina thuida Gath kala Ekron vāshungda kharomvāda Philistinenaobing kachungkha sāthathaowa.

1 SAMUEL 5:10

Chieina athumna Varewui oko chi Ekronli chihovāhaowa. Kha Ekronli khuikhavā tharan chiwui mibingna, “Ithumwui mibingli sāthat khavai Varewui oko chi ithumli khuikharāna.” da mamayāthuwa.

1 SAMUEL 5:8

Chieina athumna Philistinewui wungnaobingli hokhuiserda “Israelwui Varewui oko hili ithumna khisausi?” da hānga. Athumna, “Israelwui Varewui oko chi Gathli khuiunghaoranu.” da ngahānkai. Chieina athumna Israelwui Varewui oko chi Gathli khuivāhaowa.

1 SAMUEL 7:14

Philistinenaobingna Israelwui eina ngapaikakhuiya keinungbing, Ekron eina thuilaga Gath vāshungda; Israelnaobingli hanmihaowa; kala Israelna Philistinenaobingwui eina athumwui leiret ngapaikhuiluishita. Israel eina Amornaobingla chingrihaowa.