JOSHUA 14:2 - Kathara Bible (BSI)

² Prohona Mosesli kaso kahai athishurda shang chiko kala tangkhai chili kalā yangda shimlui ngayarmi.

JOSHUA 14:2 Iomraidhean Croise

CHĀNSAM 16:33

Mikumona kalā yanga, kha Prohowui khamayā eina kashokna.

CHĀNSAM 18:18

Lungsanlāk eina ngapai khangarok chili, kalā khayangna tui kupngasaka.

EZEKIEL 45:1

Nathumna ngalei khangayar tharan Proho wui vang khuining thing maga̱da phangā kasāng, thing maga̱ kapāk akai akha yarshokmira kala chi kathara leikhai ngasāra; kala apam hi katonga katharana.

MISHĀN 26:52

Prohona Mosesli hānga:

MISHĀN 33:54

Nathumna shangwui athishurda kalā yanglaga ngalei chi khuira; shang kateona teoda kala shang kahakana hakta samphangra; kalā yanglaga kashok chi mi chipawui sāra, navā ngarāwui shimkhur athishurda shangbing china ngalei chi khuira.

MISHĀN 34:13

Mosesna Israelnaobingli kasoda hānga, “Hi Prohona kakaso athishurda shang chiko eina shang tangkhaina kalā yanglaga shimlui sāki kaji ngaleina.

MISHĀN 34:17

“Hi nathumwui shimlui sākhavai ngalei ngayarmiki kaje mibingna: pāngmon Eleazar eina Nunwui nao Joshua anina.

MATTHEW 25:34

Chiwui thili Awungana awui yāshong khaleibing chili hāngra, ‘Rālu, ishāvāna sokhamebing, okathui sākaphokwui eina nathumwui vang ngarān kahai wungram chi mathunkhuilu;

OTSAK 1:26

Athumna aniwuitungli ka̱lā yanga; yanglaga Matthiaswuitungli tāhaoda rida leikasā pāokazata tharāda akha chiwui alungli ngarumsanghaowa.

JOSHUA 13:7

Chiwui vang eina ara ngalei hi shang chiko kala Manasseh shang tangkhaili ngayarmihaolu.”

JOSHUA 18:10

chieina Shilohli Joshuana athumwui vang Prohowui mangāli kalā yangmi; kala Joshuana ngalei chi Israelwui mibingli ngayarmi, athum ava̱va̱wui yar misera.

JOSHUA 18:6

Kala leiret shini sāda ngakai kahai ngalei chiwui apongli nathumna kapikhuilaga ili khuiungmilu; kala ina Proho Varewui mangāli kalā yanglaga mira.