JOSHUA 14:12 - Kathara Bible (BSI)

¹² Chieina ara Prohona chitharan hāngkahai thāda kaphungram hi ili milu; kaja Anakimnaobingna athumwui keinungbing ngaveikazakhailaga pamda lei kaji chithang nala shai. Prohona kahāng thāda ana ili ngasomira kala ina athumli kashamshokshapra.”

JOSHUA 14:12 Iomraidhean Croise

2 WUNGNAOBING 19:4

Assyriawui awungana Rabshakehli chihorāda kharinga Vareli mana̱shikida tui kachungkha kahāng hi nawui Proho Varena shāserhairara. Chiwui vang shākkahaibing hiwui vang seihā kasāmilu.”

2 THOTRINCHĀN 14:11

Kala Asana awui Proho Vareli ngakaoda hānga, “O Proho, khangazana eina kapangawui ngachaili ngachonkhame, na kathā khipākha maleimana. Ithumli ngachonmilu, O ithumwui Proho Vare, kaja ithumna nali chihama, kala naming singda sorkhangasai mibing hili ngararkida zatli. O Proho, na ithumwui Varena, mina nali mayuiaranu.”

LAA 44:3

kaja athum khalattawui raighai eina ram chi yuikakhui maningmana; athum khalattawui pāngthei einala yuikakhui maningmana; kha nawui yāpang pāngthei eina, kala namaiwui kahor chinana; kaja nana athumli ningyāngunga.

LAA 60:12

Vareli ngasoda ithum pinglak eina sāra; yangkashebingli pheinai sāki kaje chi ana.

MISHĀN 13:28

Chithālala ngalei chili kasombing chi panga, kala keinung chi raipan sāda hakmahālaka; chili lāngda ithumna Anakwui ara̱-azāla chili thei.

MISHĀN 13:33

Kala apam chili Nephilnao, kaja Anakwui ara̱-azā kachungkha pamda lei; athumwui mangāli ithum khaoh kathāna, kala athumnala ithumli khaoh thāda theida leira.”

MISHĀN 21:34

Kha Prohona Mosesli hānga, “Ali mangacheelu, kachiwui vangkhala jila ina a kala awui mibing kala ngalei nawui pāngli sangmihaira; kala Heshbonli sompamkasa Amorwui awunga Sihonli sākhami thāda alila sāmipapamra.”

ROMNAO 8:31

Chithākha ithumna hili khi hāngluira? Vare hi ithumwuina jiakha khipāna ithumli yangshirarra?

KHALATLUI 1:28

Ithum kali vauki kajikhala? Ichinā ngarāna ithumli ning shimān ngasakta, “Mibing chi ithumli hakmei kala juimei; keinungla haklāka kala kazing kazokta ngaveitithai; chili lāngda Anakimwui naomayarabingla chili thei.”’ da hānga.

KHALATLUI 9:1

“O Israel, nganālu; nathum aja Jordan kānki jiura kala nathumli hakkhamei kala pangkhamei yurbingli angapaikhuiki kajina; athumwui keinung kahakmānga, kala kazing kāzokta ngaveitit kahaimānga,

KHALATLUI 9:3

Chiwui vang eina aja hi theilu, kaja nathumwui mangāli meichot eina zatta khalei chi Proho nathumwui Varena; ana nathumwui miktāli athumli sāshimānra kala yuikhuira; kala Prohona ngashit kahai thāda nathumna athumli kashamshokhaida thaklāk eina shimān ngasakra.

PHILIPPINAO 4:13

Ili pangkhangasaka Khristawui mangā eina ina ot saikora sāshapsera.

HEBREWNAO 11:33

Shitkasang mangā eina athumna khangarar apam kachida wungram yuikhuiya, mashun sāngasaka, ngashitmi kahai samphanga, kazingkha̱ khamor khalapmi,

JOSHUA 15:14

Kala Calebna Anakwui naomayara kathum Sheshai, Ahiman, Talmai, Anakwui ara̱-azāli kashamshokhaowa.

WUNGVA̱-WUNGVĀ 1:20

Kala Mosesna hāngkahai thāda; Hebron Calebli mihaowa, kala ana Anakwui naomayara kathum chi chiwui eina kashamshokhaowa.

1 SAMUEL 14:6

Kala Jonathanna awui chāngvei phungkhame yarona chili hānga, “Rālu, ini ahui marimkashoka shipaibingli ayangsa; Prohona iniwui vang ngararmilapai, kaja kanmi khavai Prohowui vang teokhana lah chungkhana maleimana.”