JOSHUA 13:30 - Kathara Bible (BSI)

³⁰ Athumwui lam chi Mahanaim eina thuida Bashanwui awunga Ogna khamunga wungram saikora, Jairwui keinung saikora zangda, Bashanli khalei keinung hangtharuka,

JOSHUA 13:30 Iomraidhean Croise

HAOKAPHOK 32:3

Kala Edom ngaleili khalei Seir kaho ram, ashāmei Esau khaleipamli Jacobna rida paomebing chihovai,

MISHĀN 21:33

Chiwui thili athumna chiwui eina kuikhuilaga Bashan shongfa eina shanga; kala Bashanwui awunga Ogna awui mibing saikorali thānda Edre-i apamli rai sākhavai shoka.

KHALATLUI 3:10

kaphungli khalei keinung saikora, Gileadli khaleila, Bashanli khaleila, Salecah kala Edre-i shangshungda, Bashan awunga Ogwui wungram katonga ngapaikhui.

KHALATLUI 3:4

Kala ithumna Bashanli Ogwui wungram, Argobwui apam saikora—keinung akhanida makakhui maleimana: keinung hangtharuk khuiya.

JOSHUA 13:26

kala Heshbon eina thuida Ramath-mizpeh eina Betonim, kala Mahanaim eina thuida Debirwui thari,

JOSHUA 13:29

Kala Mosesna Manasseh shang tangkhailila shimlui yartai; chi athumwui shimlakwui athishurda Manasseh tangkhaili yarkatāna.

JOSHUA 17:6

khikhalajila Manasseh shimkhurli nao ngalāva̱bingla mayarnao thāda shimlui samphanga. Gilead ngalei chi Manassehwui katai shangli mihaowa.

JOSHUA 21:38

kala Gad shangwui eina Gileadli khalei mi sakathatana yāmngayin khavai keinung Ramoth eina chiwui seihomphung, Mahanaim eina chiwui seihomphung,