JOSHUA 13:3 - Kathara Bible (BSI)

³ (Egyptwui zingshoshong khalei, Shihor eina thuida atungshong Ekron thari shangshungda, Canaanbing da katheiyur. Ngalei chi Philistine wungnao phangā kaja Gaza, Ashdod, Ashkelon, Gath kala Ekron hibingwui), azingshong Avvimwui ram saikora,

JOSHUA 13:3 Iomraidhean Croise

HAOKAPHOK 10:6

Hamwui naotunbing: Cush, Egypt, Put kala Canaan.

HAOKAPHOK 15:18

Chithang Prohona Abramli tuingashit akha sāda hānga, “Nawui naotunbingli Egyptwui kong eina thuilaga kahaka Euphrates kong vāshungda ina khamina,

1 WUNGNAOBING 8:65

Chithāda Hamathwui zangkhavaiwui eina thuilaga Egyptwui Kongrā vāshungda Israel kachungkha kazipta Solomonna shinithang zātkhān sai.

1 THOTRINCHĀN 13:5

Chiwui vang eina Kiriath-jearimwui eina Varewui oko chi akhui khavai Davidna Egyptwui Shihor eina thuilaga Hamathwui zangkhavai vāshungda khalei Israelnao saikorali kazip khuisera.

ISAIAH 23:3

tara̱ kachungkhawuitungli zatta lei; nathumwui shai kakhui chi Shihorwui theishiraina, Nilewui heiunna; nathum yurbingwui leihkhalona sāsai.

JEREMIAH 2:18

Nathum Egyptli khavāwui tongkazā khi lei, Nilewui tara̱ amang khavaila? Assyriali khavāwui tongkazā khi lei, Euphrateswui tara̱ amang khavaila?

KHALATLUI 2:23

Avvimnaobingwui vanga, Caphtorli khalei, Caphtornaobingna Gaza vāshungda sākathānmihailaga athumna ngapaikakhuina).

JOSHUA 13:13

Kha Geshurbing, lah Ma-acathnaobingli Israel mibingna makashamshokla athumna aja eina tangda Israelnaobingli ngasopamdalei.

WUNGVA̱-WUNGVĀ 16:5

Kala Philistinewui wungnaobingna ali rāhānga, “Kontrenda ali suikhuilu, kala awui pangshap kali lei, kala ithumna kachikathā apong eina ali yuikhuida khalapkhuira kaji ngahānkhuilu; chieina ithum kachiva̱na nali lupāsā thingkha shākharip mira.”

WUNGVA̱-WUNGVĀ 3:3

Yurbing chiya: Philistinewui wungnao phangā, kala Canaanaobing saikora, kala Sidonbing, kala Baal-hermon Kaphung eina thuilaga Hamath zangkhavai vāshungda Lebanon Kaphungli khalei Hivnaobing hina.

1 SAMUEL 5:1

Philistinenaobingna Varewui oko ngapaikhuida athumna Ebenezerwui eina Ashdodli khuivai;

1 SAMUEL 5:10

Chieina athumna Varewui oko chi Ekronli chihovāhaowa. Kha Ekronli khuikhavā tharan chiwui mibingna, “Ithumwui mibingli sāthat khavai Varewui oko chi ithumli khuikharāna.” da mamayāthuwa.

1 SAMUEL 5:8

Chieina athumna Philistinewui wungnaobingli hokhuiserda “Israelwui Varewui oko hili ithumna khisausi?” da hānga. Athumna, “Israelwui Varewui oko chi Gathli khuiunghaoranu.” da ngahānkai. Chieina athumna Israelwui Varewui oko chi Gathli khuivāhaowa.

1 SAMUEL 6:4

“Khayonchigat ithumna ali hanmiki kaji chiya khikhala?” da athumna ngahāna. “Philistine wungnao mashing athishurda, sinā eina sākakhui moksāzak phangā, kala sinā eina shiok azak phangā sākhuilu; kaja ngaraikachā kazātkashi chi nathumwuitunglila kala nathumwui wungnaobingwuitunglila razaserra;