JOSHUA 13:26 - Kathara Bible (BSI)

²⁶ kala Heshbon eina thuida Ramath-mizpeh eina Betonim, kala Mahanaim eina thuida Debirwui thari,

JOSHUA 13:26 Iomraidhean Croise

HAOKAPHOK 31:49

kala pakra̱ hili Mizpah dala hoi, kaja ana hānga, “Inina ngateida pamngaroksālala, Prohona yangmiranu.”

2 SAMUEL 17:27

Davidna Mahanaimli khavā tharan, ali Ammonnaobingwui Rabbah kha̱li khalei Nahashwui naomayara Shobi kala Lodebar kha̱wui Ammielwui naomayara Machir kala Rogelim kha̱wui Gileadpa Barzillai, athumna,

2 SAMUEL 2:8

Chitharan Nerwui naomayara, Saulwui raithāna Abnerna Saulwui naomayara Ish-boshethli thānphungda Mahanaimli khuivai;

1 WUNGNAOBING 22:3

Israelwui awungana awui raobingli, “Ramoth-gilead hi ishiwuina, kha yansāngsa̱ eina pamda Syriawui awungawui pāngli khaleina kaji nathum matheimala?” da hānga.

1 WUNGNAOBING 4:14

Mahanaimli Iddowui nao Ahinadab;

JOSHUA 13:25

Athumwui leiret: Jazer, kala Gileadwui keinung saikora, kala Ammonnaobingwui ngalei tangkhai eina thuida Rabbahwui zingshoshong khalei Aroer,

JOSHUA 13:27

kala tampākli khalei Beth-haram, Beth-nimrah, Succoth, kala Zaphon, Heshbonwui awunga Sihonwui wungram taida khaleibing, Jordan eina thariphungda zingshovāk Chinnereth Ngayiwui nemkhamei rākachat Jordanli zingshoshong eina tangda zanga.

JOSHUA 20:8

Kala Jordan makānda Jerichowui zingshoshong lamhāngwui kaphung khanganili khalei Reubenshi shangwui eina Bezer, Gadshi shangwui eina Gileadli khalei Ramoth, Manassehshi shangwui Bashanwui Golonbing hi kapangkhui.

JOSHUA 21:38

kala Gad shangwui eina Gileadli khalei mi sakathatana yāmngayin khavai keinung Ramoth eina chiwui seihomphung, Mahanaim eina chiwui seihomphung,

WUNGVA̱-WUNGVĀ 10:17

Khaleilaga Ammonnaobingna rai sākhavai Gileadli rairum rāsai, kala Israelwui mibingla kazipkhuiserlaga Mizpahli rairum sāhaowa.

WUNGVA̱-WUNGVĀ 11:11

Chieina Jepthana athumli ngasoungda athum saikorawui kathāna sāhaowa; kala Jepthana hāngkhangai tui saikora Mizpahli leilakha Prohowui mangāli hāngsera.

WUNGVA̱-WUNGVĀ 11:29

Chiwui thili Prohowui manglāna Jepthali zangmida ana Gilead eina Manasseh kānvai, chiwui eina phonda Gileadwui Mizpahli kānda Ammonnaobingli vai.